ຕາດກວາງຊີຕິດ 1 ໃນ 50 ອັນດັບສະຖານທີ່ທ່ອງທ່ຽວທີ່ດີທີ່ສຸດ

0
145

ໃນການຈັດອັນດັບເມື່ອບໍ່ດົນມານີ້ສະແດງໃຫ້ເຫັນວ່າ: ນໍ້າຕົກຕາດກວາງຊີທີ່ແຂວງຫຼວງພຣະບາງໄດ້ຕິດ 1 ໃນ 50 ອັນດັບນໍ້າຕົກຕາດທີ່ດີທີ່ສຸດສຳລັບນັກທ່ອງທ່ຽວຍີ່ປຸ່ນໃນປີ 2019.

ນໍ້າຕົກຕາດກວາງຊີຖືກຈັດໃຫ້ຢູ່ໃນອັນດັບທີ 26 ຈາກທັງໝົດ 50 ອັນດັບຂອງສະຖານທີ່ຍອດນິຍົມສຳລັບນັກທ່ອງທ່ຽວຍີ່ປຸ່ນ 2019 ຊຶ່ງລວບລວມໂດຍ “TripAdvisor Japan” ນີ້ແມ່ນຄັ້ງທຳອິດທີ່ສະຖານທີ່ທ່ອງທ່ຽວໃນລາວມີລາຍຊື່ຢູ່ໃນການຈັດອັນດັບດັ່ງກ່າວ.

TripAdvisor ປະເທດຍີ່ປຸ່ນໄດ້ເຮັດການສຳຫຼວດໂດຍອີງໃສ່ການລົງຄຳເຫັນ ແລະ ຄຳຕິຊົມຈາກຜູ້ເຂົ້າໃຊ້ໃນເວັບໄຊຂອງບໍລິສັດ, ບັນຊີລາຍຊື່ດັ່ງກ່າວຊຶ່ງລວມມີນໍ້າຕົກຕາດກວາງຊີ, ອັງກໍວັດຂອງກໍາປູເຈຍ, ຖັດມາແມ່ນວິຫານເຊນປີເຕີ້ ບາຊິລິກາ (St. Peter’s Basilica) ໃນວາຕິກັນ ແລະ La Sagrada Familia ໃນປະເທດແອັດສະປາຍ.

ເມື່ອເດືອນຕຸລາຜ່ານມາເວັບໄຊ Booking.com ຂອງຍີ່ປຸ່ນລົງຊື່ໃຫ້ນະຄອນຫຼວງວຽງຈັນເປັນເມືອງທີ່ດີທີ່ສຸດສຳລັບການຍ່າງທ່ອງທ່ຽວໃນອາຊີຕາເວັນອອກສຽງໃຕ້, ຊຶ່ງນັກທ່ອງທ່ຽວສາມາດຍ່າງຊົມເມືອງໄດ້ທັງກາງເວັນ ແລະ ກາງຄືນ.

ເວບໄຊດັ່ງກ່າວໄດ້ເປີດເຜີຍວ່າ: ນັກທ່ອງທ່ຽວສາມາດຍ່າງຕາມຖະໜົນສາຍຕ່າງໆພ້ອມຊົມຕຶກອາຄານຂ້າງຖະໜົນທີ່ເປັນແບບອານານິຄົມຂອງຝຣັ່ງ ແລະ ຢ້ຽມຊົມບູຮານສະຖານທາງປະຫວັດສາດ, ພ້ອມນີ້ ກໍຍັງມີປະຕູໄຊ, ພຣະທາດຫຼວງ ແລະ ເມື່ອຕາເວັນຕົກດິນກໍສາມາດຍ່າງທ່ຽວຊົມຕະຫຼາດກາງຄືນແຄມຂອງສວນເຈົ້າອານຸວົງ ຊຶ່ງນັກທ່ອງທ່ຽວສາມາດເພີດເພີນໄປກັບອາຫານແຄມທາງທີ່ຫຼາກຫຼາຍ.

 

 

ຮຽບຮຽງຂ່າວ: ພຸດສະດີ
ແຫຼາງຂໍ້ມູນ: laotiantimes.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.