ດີເອໂກ້… ເຕົ່າເຈົ້າຊູ້ອາຍຸກວ່າ 100 ປີໄດ້ກັບຄືນສູ່ປ່າ!!

0
1088

ດີເອໂກ້ ເຕົ່າຍັກກາລາປາກອສຈະໄດ້ກັບຄືນສູ່ທຳມະຊາດແລ້ວ, ຫຼັງຈາກທີ່ສູ້ຊີວິດໂດຍສະເພາະການປະສົມພັນຢ່າງໜັກກັບເຕົ່າເພດເມຍມາດົນກວ່າ 50​ ປີ, ສາມາດຜະລິດທາຍາດໄດ້ຫຼາຍກວ່າ 800 ໂຕ ແລະ ຊ່ວຍສາຍພັນໃຫ້ລອດພົ້ນຈາກການສູນພັນ.

ສຳນັກຂ່າວຊີເອັນເອັນລາຍງານເມື່ອວັນທີ 13 ມັງກອນຜ່ານມາວ່າ: ເຕົ່າຍັກກາລາປາກອສທີ່ມີຊື່ວ່າ: “ດີເອໂກ” ທີ່ມີອາຍຸກວ່າ 100 ປີໄດ້ກາຍເປັນສິ່ງສຳຄັນທີ່ຊ່ວຍບໍ່ໃຫ້ສາຍພັນຂອງມັນມາເຖິງຍຸກສິ້ນສຸດຂອງສາຍພັນນີ້. ລາຍງານຂ່າວເປີດເຜີຍອີກວ່າ: ທຳອິດດີເອໂກ້ ເປັນເຕົ່າຍັກກາລາປາກສອທີ່ຢູ່ໃນການດູແລຂອງສວນສັດຊານດິເອໂກ້ໃນລັດແຄລິຟໍເນຍຂອງອາເມຣິກາ, ກ່ອນທີ່ມັນຈະຖືກຄັດເລືອກໃຫ້ເຂົ້າຮ່ວມໂຄງການຂະຫຍາຍພັນເຕົ່າຍັກເທິງເກາະເອສປາໂນລາໃນໝູ່ເກາະກາລາປາກອສ ຊຶ່ງລູກເຕົ່າທີ່ໄດ້ມາຈະຖືກສົ່ງໄປຍັງເກາະເອສປາໂນລາຕາມຫຼັງ.

ໃນຊ່ວງທີ່ດີເອໂກ້ເຂົ້າຮ່ວມໂຄງການພົບວ່າ: ເກາະເອສປາໂນລາມີເຕົ່າສາຍພັນດຽວກັນພຽງແຕ່ 15 ໂຕເທົ່ານັ້ນ, ໃນນັ້ນ ມີໂຕຜູ້ 2 ໂຕ ແລະ ໂຕແມ່ 13 ໂຕ ແຕ່ພາຍຫຼັງຈາກເວລາຜ່ານໄປກວ່າ 50 ປີກໍພົບວ່າ: ໃນຕອນນີ້ເຕົ່າຍັກກາລາປາກອສເທິງເກາະດັ່ງກ່າວມີຈຳນວນເພີ່ມຂຶ້ນປະມານ 2.000 ໂຕ.

ຢ່າງໃດກໍຕາມ ສິ່ງທີ່ໜ້າພາກພູມໃຈກໍຄື: ດີເອໂກ້ຖືກຍົກໃຫ້ເປັນໜຶ່ງໃນເຕົ່າທີ່ສ້າງຜົນງານໄດ້ດີເດັ່ນທີ່ສຸດດ້ວຍການເປັນຜູ້ໃຫ້ກຳເນີດລູກເຕົ່າເຖິງ 40% ຈາກລູກເຕົ່າທັງໝົດທີ່ເກີດຂຶ້ນຈາກໂປແກຣມຂະຫຍາຍສາຍພັນ ຫຼື ເວົ້າງ່າຍໆກໍຄື: ມີລູກເຕົ່າປະ ມານ 800 ໂຕທີ່ມີດີເອໂກ້ເປັນພໍ່ພັນ.

ທັງນີ້ ເມື່ອເຖິງເວລາສິ້ນສຸດຊີວິດຂອງພໍ່ເຕົ່າເຈົ້າຊູ້ແລ້ວ ມັນກໍຈະຖືກສົ່ງກັບຄືນສູ່ທຳມະຊາດທີ່ເກາະກາລາປາກອສ,​ ຊຶ່ງຜູ້ອຳນວຍການອຸທິຍານແຫ່ງຊາດກາລາປາກອສກໍໄດ້ຍົກຍ້ອງວ່າເຕົ່າໂຕນີ້ມີສ່ວນຮ່ວມສຳຄັນຢ່າງຫຼວງຫຼາຍໃນການສືບສາຍພັນຂອງມັນ ແລະ ກໍຍິນດີທີ່ສຸດທີ່ “ດີເອໂກ້” ໄດ້ຮັບໂອກາດກັບຄືນສູ່ທຳມະຊາດຕາມປົກກຕິຂອງມັນ.

 

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.