“ດອກຈຳປາບານ” ຮູບເງົາຮ່ວມມືລະຫວ່າງສອງຊາດ ຈີນ-ລາວ

0
180

ຮູບເງົາດອກຈຳປາບານ “Champa Blossom” ເປັນການຮ່ວມມືຜະລິດລະຫວ່າງສອງຊາດ ລາວ-ຈີນ ໂດຍໄດ້ເປີດສາຍຢ່າງເປັນທາງການແລ້ວຢູ່ທີ່ໂຮງຮູບເງົາ Major-Platinum Cineplex ນະຄອນຫຼວງວຽງຈັນ.

ເນື້ອໃນຂອງຮູບເງົາເລື່ອງນີ້ໄດ້ສະແດງໃຫ້ເຫັນເຖິງສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອດີງາມລະຫວ່າງ ລາວ-ຈີນ ທັງສະແດງໃຫ້ເຫັນເຖິງຄວາມໝາຍຄວາມສຳຄັນຂອງມິດຕະພາບ ແລະ ຄວາມສາມັກຄີລະຫວ່າງສອງຊາດຜ່ານການນຳສະເໜີທິວທັດທຳມະຊາດທີ່ສວຍງາມຂອງລາວໃຫ້ຜູ້ຊົມໄດ້ສຳຜັດ ແລະ ຮັບຮູ້ ໂດຍມີນັກສະແດງລາວ ແລະ ຈີນມາຮ່ວມຖ່າຍທອດຄວາມຮັກລະຫວ່າງຄົນລາວ ແລະ ຄົນຈີນຜ່ານສອງວັດທະນະທຳທີ່ມີແຕກຕ່າງກັນ.

ຮູບເງົາດັ່ງກ່າວມີຄວາມຍາວ 90 ນາທີ ການດຳເນີນເລື່ອງໂດຍໄວໜຸ່ມຊາວຈີນຊຶ່ງເດີນທາງທ່ອງທ່ຽວໃນບັນດາປະເທດອາຊຽນ ແລະ ໜຶ່ງໃນນັ້ນແມ່ນປະເທດລາວ ໃນລະຫວ່າງການທ່ອງທ່ຽວເຂົາເຈົ້າກໍໄດ້ພົບກັບເດັກຍິງລາວຄົນໜຶ່ງທີ່ເປັນລູກຊອດລາວ-ຈີນ ທີ່ເຮັດວຽກຢູ່ໃນຮ້ານອາຫານແຫ່ງໜຶ່ງ ຂະນະນັ້ນຊາວໜຸ່ມກໍໄດ້ຮ້ອງເພງ Thian Mi Mi ຕໍ່ມາເຂົາເຈົ້າກໍໄດ້ພົບກັນອີກຄັ້ງຢູ່ແຂວງຫຼວງພຣະບາງ ແລະ ເລື່ອງລາວຄວາມຮັກກໍເລີ່ມກໍ່ຕົວຂຶ້ນ.

ຮູບເງົາເລື່ອງນີ້ສ້າງຂຶ້ນເພື່ອສະເຫຼີມສະຫຼອງວັນສ້າງຕັ້ງສາຍພົວພັນສອງປະເທດ ລາວ-ຈີນ ຄົບຮອບ 55 ປີ.

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.