ຍົກລະດັບໃຫ້ນັກຈັດລາຍການວິທະຍຸໃນການຜະລິດລາຍການກ່ຽວກັບອາຊຽນ

0
56

ໃນວັນທີ 9 ທັນວາ 2019 ທີ່ນະຄອນຫຼວງວຽງຈັນ, ວິທະຍຸກະຈາຍສຽງແຫ່ງຊາດລາວຮ່ວມກັບກົມຮ່ວມມືສາກົນ ກະຊວງຖະ ແຫຼງຂ່າວ ວັດທະນະທຳ ແລະ ທ່ອງທ່ຽວ ໄດ້ຈັດຝຶກອົບຮົມໄລຍະສັ້ນ 2 ວັນ ເພື່ອຍົກລະດັບຄວາມຮູ້ໃນການຜະລິດລາຍການກ່ຽວ ກັບອາຊຽນໃຫ້ບັນດານັກຈັດລາຍການວິທະຍຸອາຊຽນ. ​ໃຫ້ກຽດ​ເຂົ້າ​ຮ່ວມ​ໂດຍ ທ່ານ ​ໂພ​ສີ ແກ້ວມະນີວົງ ຜູ້ອຳນວຍການໃຫຍ່ວິທະ ຍຸກະຈາຍສຽງແຫ່ງຊາດລາວ, ທ່ານ ບຸນ​ເລື່ອນ ບຸບຜາ ຫົວໜ້າກົມ​ຮ່ວມ​ມື​ສາກົນກະຊວງຖະແຫຼງຂ່າວ ວັດທະນະທຳ ແລະ ທ່ອງ ທ່ຽວ, ພ້ອມ​ດ້ວຍ​ສຳ​ມະ​ນາກ​ອນ​ຈາກ 10 ປະ​ເທດອາຊຽນ​ເຂົ້າ​ຮ່ວມ.

ການຈັດຊຸດຝຶກອົບຮົມໃນຄັ້ງນີ້ສຳມະນາກອນຈະໄດ້ແລກປ່ຽນບົດຮຽນກ່ຽວກັບການຜະລິດລາຍການກ່ຽວກັບອາຊຽນຂອງແຕ່ລະປະເທດ, ຍົກ​ລະດັບທັກສະໃນການເຮັດຂ່າວໃຫ້​ຖືກຕ້ອງ, ຊັດ​ເຈນ ​ແລະ ທັນ​ກັບ​ເຫດການ. ນອກຈາກ​ນີ້ ນັກຈັດລາຍການວິທະຍຸອາຊຽນຍັງ​ຈະ​ໄດ້ບັດຕົວຈິງດ້ວຍການທົດລອງອັດລາຍການວິທະຍຸອາຊຽນຢູ່ຫ້ອງອັດຂອງວິທະຍຸກະຈາຍສຽງແຫ່ງຊາດລາວ ທັງນີ້ ກໍເພື່ອແນ​ໃສ່ຍົກ​ລະດັບ​ຄວາມ​ຮູ້, ຄວາມ​ສາມາດ ແລະ ປະສົບການຕົວຈິງໃຫ້​ນັກຈັດລາຍການໃນອາຊຽນມີຄວາມເຂົ້າໃຈຕໍ່ກັບວຽກ ງານດັ່ງກ່າວ ໂດຍສະເພາະ ການ​ເຜີຍ​ແຜ່ຂໍ້ມູນ-ຂ່າວສານກ່ຽວກັບການເມືອງ, ການພັດທະນາເສດຖະກິດ-ສັງຄົມ ແລະ ອື່ນໆໃຫ້ໄດ້ຮັບຮູ້ຢ່າງກວ້າງຂວາງ.

ທ່ານ ໂພສີ ແກ້ວມະນີວົງ ໃຫ້ຮູ້ວ່າ: ການຈັດ​ຊຸດ​ຝຶກ​ອົບຮົມ​ໃນຄັ້ງນີ້ມີຄວາມໝາຍສຳຄັນຢ່າງຍິ່ງຕໍ່ນັກຈັດລາຍການວິທະຍຸອາຊຽນ ເພື່ອຍົກລະດັບລາຍການໃຫ້ມີຄຸນນະພາບສູງຂຶ້ນ ແລະ ຮັບປະກັນໃຫ້ເນື້ອໃນມີຄວາມອຸດົມສົມບູນ, ກາຍເປັນຂົວຕໍ່ສຳຄັນໃຫ້ປະຊາ ຊົນໃນເຂດຊຸມຊົນ, ທ້ອງຖິ່ນກໍຄືປະເທດສະມາຊິກອາຊຽນດ້ວຍກັນໄດ້ຮັບຮູ້​ຂໍ້​ມູນ-​ຂ່າວສານຊິ່ງກັນ ແລະ ກັນຍິ່ງໆຂຶ້ນ.

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.