ຊ່ວງທ້າຍອາທິດປະລິມານຝົນຕົກຈະຫຼຸດລົງ

0
100

ກົມອຸຕຸນິຍົມ ແລະ ອຸທົກກະສາດຄາດຄະເນສະພາບອາກາດໃນໄລຍະວັນທີ 11-14 ກໍລະກົດ 2019 ວ່າ ຍ້ອນຄວາມກົດດັນຕໍ່າຂອງອາກາດຮ້ອນມີທ່າອ່ຽງຈະເພີ່ມກຳລັງແຮງຂຶ້ນ ປົກຄຸມຢູ່ທົ່ວທຸກພາກຂອງປະເທດລາວ ເຮັດໃຫ້ອາກາດຮ້ອນໃນຕອນບ່າຍ ແລະ ຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ເກືອບທົ່ວໄປໃນລະດັບປານກາງ ພ້ອມມີລົງພັດແຮງຢູ່ບາງທ້ອງຖິ່ນໃນແຕ່ລະພາກ.

ພາກເໜືອດ້ານຕາເວັນອອກ ໃນໄລຍະວັນທີ 11-14 ກໍລະກົດ 2019 ອາກາດຈະຮ້ອນຂຶ້ນໃນຕອນບ່າຍ ແລະ ຝົນຈະຕົກເບົາບາງລົງ.

ພາກເໜືອດ້ານຕາເວັນຕົກ ໃນໄລຍະວັນທີ 11-14 ກໍລະກົດ 2019 ອາກາດຈະຮ້ອນຂຶ້ນໃນຕອນບ່າຍ ແລະ ຍັງຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ.

ພາກກາງ ໃນໄລຍະວັນທີ 11-14 ກໍລະກົດ 2019 ອາກາດຈະຮ້ອນຂຶ້ນໃນຕອນບ່າຍ ແລະ ຍັງຈະມີຝົນຕົກໃນລະດັບຄ່ອຍຢູ່ຕື່ມອີກເປັນບໍລິເວນກ້ວາງ.

ສະເພາະແຂວງ ໄຊສມບູນ ຫຼັກ 20 ເມືອງ ວຽງທອງ ແລະ ເມືອງ ນາກາຍ ໃນໄລຍະວັນທີ 11-14 ກໍລະກົດ 2019 ຝົນຈະຕົກເບົາບາງລົງ.

ພາກໃຕ້ ໃນໄລຍະວັນທີ 8-14 ກໍລະກົດ 2019 ອາກາດຈະຮ້ອນຂຶ້ນໃນຕອນບ່າຍ ແລະ ຈະມີຝົນຕົກຟາຮ້ອງຟ້າເຫຼື້ອມໃນລະດັບຄ່ອຍຫາປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນ ແຂວງສາລະວັນ ຈຳປາສັກ ເຊກອງ ແລະ ອັດຕະປື.

ສະເພາະເຂດພູພຽງບໍລິເວນ ໃນໄລຍະວັນທີ 8-14 ກໍລະກົດ 2019 ອາກາດຈະເຢັນໃນຕອນເຊົ້າ ແລະ ຈະມີຝົນຕົກຟ້າຮ້ອງໃນລະດັບຄ່ອຍຫາປານກາງ ພ້ອມມີລົມພັດແຮງເປັນບາງໂອກາດຢູ່ບາງບໍລິເວນ.

ນະຄອນຫຼວງວຽງຈັນ ໃນໄລຍະວັນທີ 8-14 ກໍລະກົດ 2019 ອາກາດຈະຮ້ອນຂຶ້ນໃນຕອນບ່າຍ ແລະ ຈະມີຝົນຕົກຟາຮ້ອງຟ້າເຫຼື້ອມໃນລະດັບຄ່ອຍ ຫາ ຕົກປານກາງຢູ່ທົ່ວໄປ ພ້ອມຈະມີລົມພັດແຮງເປັນບາງໂອກາດຢູ່ບາງບໍລິເວນໃນຕອນບ່າຍຫາຄໍ່າ.

ຮຽບຮຽງຂ່າວ: ບຸດສະດີ ສາຍນໍ້າມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.