ຊີເກມ 2019 ປິດສາກລົງແລ້ວ! ຫວຽດນາມຮັບເປັນເຈົ້າພາບຄັ້ງຕໍ່ໄປ

0
453

ປິດສາກເປັນທີ່ຮຽບຮ້ອຍແລ້ວສຳລັບການແຂ່ງຂັນກີລາຊີເກມຄັ້ງທີ 30 “ຟີລິບປິນ ເກມ” ໃນວັນທີ 11 ທັນວາ 2019 ທີ່ສະໜາມກີລານິວ ຄລາດ ຊີຕີ້ ແອຣເລຕິດ ສະເຕດຽມ ເມືອງຄລາດ ເລີ່ມຕັ້ງແຕ່ເວລາ 17:00 ໂມງອ(ຕາມເວລາທ້ອງຖີ່ນ) ຫຼື ກົງກັບເວລາບ້ານເຮົາ 16:00 ໂມງ.

ໂດຍເຈົ້າພາບຟີລິບປິນໄດ້ຈັດຊຸດການສະແດງສົ່ງທ້າຍຊີເກມ, ຈາກນັ້ນ ທ່ານ ອັລລັນ ປີເຕີ ຄາເຍໂຕນ່າ ປະທານຈັດການແຂ່ງຂັນຊີເກມ 2019 ແລະ ທ່ານ ອັບຣາຮຳ ໂຕເລນຕິໂນ່ ປະທານຄະນະກຳມະການກີລາໂອລິມປິກຂອງຟິລິປິນກໍໄດ້ກ່າວປິດການແຂ່ງ ຂັນກ່ອນເຂົ້າສູ່ພິທີມອບທຸງປະຈຳການແຂ່ງຂັນຕໍ່ໃຫ້ກັບຕົວແທນຈາກປະເທດຫວຽດນາມຊຶ່ງຈະຮັບໜ້າທີ່ເປັນເຈົ້າພາບຊີເກມຄັ້ງທີ 31 ທີ່ນະຄອນຫຼວງຮ່າໂນ່ຍໃນປີ 2021 ດ້ວຍການເປີດເພງຊາດຫວຽດນາມ ແລະ ການສະແດງຈາກເຈົ້າພາບຄັ້ງຕໍ່ໄປ.

ໂດຍປະທານຄະນະກຳມະທິການຈັດການແຂ່ງຂັນຂອງຫວຽດນາມເຜີຍວ່າ: ລັດຖະບານຫວຽດນາມຈະໃຊ້ 4 ນະຄອນຫຼວງໃຫຍ່ເປັນສະໜາມແຂ່ງຂັນຄື: ນະຄອນຫຼວງຮ່າໂນ່ຍ, ນະຄອນໂຮ່ຈີມິນ, ນະຄອນດານັງ ແລະ ນະຄອນໄຮຟອງ ເປັນຫຼັກໃນການແຂ່ງຂັນກີລາປະເພດຕ່າງໆ.

ຮຽບຮຽງຂ່າວ:​ພຸດສະດີ
ແຫຼ່ງຂໍ້ມູນ: www.naewna.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.