ຊາວເນັດແຊຣ… ບັງເອີນເຫັນ CEO ຂອງຮົວເຫວີຍໃຊ້ iPad

0
11643

ເວັບໄຊ nextshark.com ລາຍງານເມື່ອວັນທີ 5 ພະຈິກຜ່ານມາໄດ້ເຜີຍແຜ່ພາບທີ່ຊວນໃຫ້ຄິດຂອງຄູ່ແຂ່ງທາງການຄ້າ 2 ແບຣນຍັກໃຫຍ່ຄື: ຮົວເຫວີຍ ແລະ ໄອໂຟນ, ເຖິງແມ່ນວ່າໃນໂລກທຸລະກິດຈະແຂ່ງຂັນກັນຢ່າງດຸເດືອດ ແຕ່ໃນຊີວິດຈິງຜັດບໍ່ເປັນແບບນັ້ນ!! ພາຍຫຼັງທີ່ມີຊາວເນັດບັງເອີນຖ່າຍພາບຂອງ ທ່ານ Zhengfei Ren ປະທານບໍລິຫານຂອງຮົວເຫວີຍລະຫວ່າງຈົກກະເປົ໋າກ່ອນຂຶ້ນເຮືອບິນແລ້ວເຫັນວ່າ: CEO ຂອງຮົວເຫວີຍກໍໃຊ້ iPad ຂອງ Apple ເຊັ່ນກັນ.

ແອັບເປິລເປັນບໍລິສັດຊັ້ນນຳຂອງໂລກ, ໂດຍ CEO ຂອງຮົວເຫວີຍໄດ້ໃຫ້ສຳພາດກັບສຳນັກຂ່າວບລູມເບີກວ່າ: ຖ້າຫາກບໍ່ມີແອັບເປິລກໍຈະບໍ່ມີອິນເຕີເນັດເທິງໂທລະສັບມືຖື, ຫາກບໍ່ມີແອັບເປິລທີ່ຈະຊ່ວຍສະແດງໃຫ້ໂລກເຫັນເຮົາ, ເຮົາກໍຈະບໍ່ເຫັນຄວາມງາມຂອງໂລກນີ້. ແອັບເປິລເປັນຄູຂອງຕົນເອງ ແລະ ແອັບເປິລປຽບສະເໝືອນຄູ-ອາຈານຂອງຂ້ອຍແລ້ວບໍ່ມີເຫດຜົນໃດທີ່ຂ້ອຍຈະຄັດຄ້ານ ຫຼື ຕໍ່ຕ້ານແອັບເປິລ.

ເຖິງແມ່ນວ່າການສະແດງຄວາມຄິດເຫັນຂອງ CEO ຮົວເຫວີຍອາດເປັນສິ່ງທີ່ໜ້າຍົກຍ້ອງ, ແຕ່ການໃຊ້ແອັບເປິລຜັດບໍ່ໄດ້ຮັບການສົ່ງເສີມ ຫຼື ຍອມຮັບຂອງຄົນພາຍໃນບໍລິສັດຮົວເຫວີຍ, ຊຶ່ງກ່ອນໜ້ານີ້ພະນັກງານສອງຄົນຂອງຮົວເຫວີຍຖືກຫຼຸດລະດັບ ແລະ ຫຼຸດເງິນເດືອນເນື່ອງຈາກທັງສອງໄດ້ tweet ຂໍ້ຄວາມຈາກ iPhone.

 

ຮຽບຮຽງ: ເພັງສະຫວັນ

ຮູບພາບ: thethaiger.com/thai

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.