ຊາຍສູງໄວເສຍຊີວິດຫຼັງໝາເລຍຍ້ອນຕິດເຊື້ອແບັກທີເຣຍຈາກນໍ້າລາຍຂອງໝາ

0
377

ວາລະສານການແພດເອີຣົບເປີດເຜີຍເລື່ອງລາວທີ່ໜ້າຕົກໃຈຂອງຊາຍຊາວເຢຍລະມັນໄວອາຍຸ 63 ປີ ຊຶ່ງເສຍຊີວິດຈາກການຕິດເຊື້ອແບັກທີເຣຍຊະນິດໜຶ່ງໃນກະແສເລີືອດຍ້ອນຖືກໝາເລຍ.

ຊາຍຄົນດັ່ງກ່າວມີອາການປວດແສບອອກຮ້ອນທີ່ຂາຊ້າຍ ແລະ ມີອາການຄ້າຍຄົນເປັນໄຂ້ຫວັດຮຸນແຮງ, ຫາຍໃຈລຳບາກ ທັງຍັງມີຈຸດເລືອດອອກຕາມຜິວໜັງຄ້າຍຄືເປັນຜື່ນໂດຍສະເພາະທີ່ຂາ, ເຮັດໃຫ້ສີຜິວັງຂາຜິດປົກກະຕິ ສ່ວນການຫາຍໃຈກໍລຳບາກ ໃນທີ່ສຸດເນື້ອເຫຍື່ອທົ່ວຮ່າງກາຍຂາດອົກຊີແຊນໄປຫຼໍ່ລ້ຽງ ແລະ ຍັງເຮັດໃຫ້ໝາກໄຂ່ຫຼັງຫຼົ້ມເຫຼວເນື່ອງຈາກຮ່າງກາຍຂັບປັດສະວະອອກບໍ່ໄດ້.

ເຖິງຈະມີອາການເຈັບປວດ ແຕ່ຊາຍຄົນດັ່ງກ່າວເລືອກທີ່ຈະພັກຮັກສາຕົວຢູ່ເຮືອນດົນເຖິງ 3 ມື້, ກ່ອນທີ່ມື້ທີ 4 ລາວຈຶ່ງຕັດສິນໃຈໄປຮັກສາທີ່ໂຮງໝໍ. ແພດໃນໂຮງໝໍເຫັນອາການບໍ່ຄ່ອຍດີຈຶ່ງໄດ້ເຮັດການກວດເລືອດ ແລະ ພົບວ່າມີແບັກທີເຣຍ “ເຄບໂນໄຊໂຕຟາກາ ເຄນິມໍຊັສ” ທີ່ພົບໃນນໍ້າລາຍຂອງໝາ ຫຼື ແມວ ຊຶ່ງເປັນແບັກທີເຣຍທີ່ປົກກະຕິແລ້ວຈະຕິດຕໍ່ມະນຸດໄດ້ກໍຕໍ່ເມື່ອຖືກໝາ ຫຼື ແມວກັດເທົ່ານັ້ນ.

ແພດໄດ້ລົງຄວາມເຫັນວ່າ: ອາກາດຂອງຊາຍຄົນດັ່ງກ່າວຢູ່ໃນລະດັບໂຄມາ ຈຶ່ງສົ່ງໄປເຂົ້າຫ້ອງ ICU ແລະ ໄດ້ເຮັດການຮັກສາດ້ວຍຢາຕ້ານເຊື້ອຫຼາຍຊະນິດແຕ່ອາການກໍບໍ່ດີຂຶ້ນ. ກ່ອນວາລະສຸດທ້າຍຂອງຊີວິດ ຊີ້ນບໍລິເວນສ່ວນປາຍຂອງຮ່າງກາຍຊາຍຄົນດັ່ງກ່າວເລີ່ມເນົ່າ, ສ່ວນຜົນຈາກການເຮັດຊີຊີສະແກນພົບວ່າ: ມີອາການສະໝອງບວມຈາກການຂາດອາກາດຫາຍໃຈ, ດັ່ງນັ້ນ ຄົນໃນຄອບຄົວຈຶ່ງຕັດສິນໃຈຍຸຕິການປິ່ນປົວ ແລ້ວໃນທີ່ສຸດພໍ່ເຖົ້າຜູ້ເຄາະຮ້າຍກໍໄດ້ເສຍຊີວິດ.

ການເສຍຊີວິດຈາກແບັກທີເຣຍຊະນິດນີ້ຫຼັງຈາກຖືກໝາ ແລະ ແມວກັດບໍ່ໄດ້ເກີດກັບກໍລະນີນີ້ເປັນຄັ້ງທຳອິດ, ແຕ່ເຄີຍເກີດຂຶ້ນແລ້ວຫຼາຍກໍລະນີ, ຜູ້ປ່ວຍບາງຄົນຕ້ອງໄດ້ຕັດອະໄວຍະວະບາງສ່ວນເພາະອາການຕິດເຊື້ອແຜ່ລາມ.

ຮຽບຮຽງຂ່າວ:​ພຸດສະດີ
ແຫຼ່ງຂໍ້ມູນ: www.washingtonpost.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.