ຈີນ ກາຍເປັນຜູ້ລົງທຶນຢູ່ແຖວໜ້າ ໃນພາກພື້ນອາຟຣິກກາຕາເວັນອອກ

0
100

400mmm

ຂປລ. ຕາມ​ຂ່າວ​ຕ່າງປະ​ເທດ, ວັນ​ທີ 13 ສິງຫາ 2015, ​ ຈີນ-​ອາຟຣິກກາ ​ຕາ​ເວັນ​ອອກ ​ໄດ້​ຮ່ວມກັນຈັດ​ຕັ້ງເວທີ​ປາຖະກະຖາ ວິ​ສາ​ຫະກິດຢູ່​ນະຄອນຫລວງ ກິ​ກາລີ ຂອງປະເທດຣູວັນ​ດາ.  ທ່ານ ຟຣານ ຊິດສ ຄາເຕ, ຄະນະ​ອຳນວຍ​ການ​ບໍລິຫານ​ພັດທະນາ ຣູວັນ​ດາ- ຈີນໄດ້ກ່າວວ່າ: ຈີນ ເປັນ​ປະ​ເທດ​ລົງທຶນຢູ່ແຖວໜ້າໃນພາກພື້ນ​ອາ​ຟຣິກກາ​ຕາ​ເວັນ​ອອກ ມີມູນຄ່າເພີ່ມ​ຂຶ້ນ 200 ຕື້​ໂດ​ລາ​ ສະ ຫະລັດ ​ພາຍ​ໃນ​ປີ 2014, ຖັດຈາກ​ສ.ອາ​ເມ​ລິ​ກາ 60 ຕື້​ ໂດ​ລາ ​ສະຫະລັດ ​ແລະ  ​ເອີຣົບ 30 ຕື້​ ໂດ​ລາ ​ສະຫະລັດ.

ນອກ ​ນີ້, ຈີນ ຍັງ​ເປັນປະ​ເທດ ທີ່​ມີ​ພື້ນຖານ​ເສດຖະກິດ​ໃຫຍ່​ ອັນ​ດັບ 2 ຂອງ​ໂລກ​ ​ແລະ ​ຈະຕອບ​ສະໜອງ​ ສິນ​ເຊື່ອຫລາຍ​ທີ່​ສຸດ​ ໃຫ້​ກັບ​ບັນດາ​ປະ​ເທດ ​​ພວມ​ພັດທະນາ​ຢູ່ ອາ​ຟຣິກກາ ແລະ ເປັນ​ປະ​ເທດ​ລົງທຶນ​​ໃຫຍ່​ທີ່​ສຸດ​ໃນ ປະເທດຣູວັນ​ດາ ດ້ວຍ​ມູນ​ຄ່າ 170 ລ້ານ​ໂດ​ລາ​ສະຫະລັດ ເປັນຕົ້ນ: ຂະ​ແໜງອຸດສາຫະກຳ, ຂຸດ​ຄົ້ນ​ບໍ່ແຮ່, ການ​ຄົມມະນາຄົມ ​ຂົນ​ສົ່ງ ​ແລະ​ ຂະ​ແໜງກໍ່ສ້າງ.

ການ ​ຮ່ວມ​ມື​ ລະຫວ່າງ ​ລັດຖະບານ​ ແລະ​ ວິ​ສາ​ຫະກິດ ຣູວັນ​ດາ ກັບ​ຈີນ​ ພວມ​ພັດທະນາ ​ຢ່າງ​ເຂັ້ມ​ແຂງ​ ​​ເພື່ອຊຸກຍູ້​ພື້ນຖານ​ເສດຖະກິດ ຣູວັນ​ດາ  ໃຫ້ພັດທະນາ​​ໄວ​ຂຶ້ນ​ໃນ​ພາກ​ພື້ນໂດຍສະເພາະ ໃນ​ຂົງ​ເຂດ​ການ​ລົງທຶນ ​ແລະ​ ການ​ຄ້າ​ສອງ​ຝ່າຍ.

 

ຂອບໃຈຂ່າວຈາກ:

ຂປລ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.