ຈີນໃຊ້ມາດຕະການສັ່ງຫ້າມໃຊ້ໂທລະສັບຂະນະຍ່າງຂ້າມທາງ

0
61

ສຳນັກຂ່າວຕ່າງປະເທດລາຍງານເມື່ອວັນທີ 15 ຕຸລາຜ່ານມາວ່າ ເມືອງຈຽງຊິງ ມົນທົນເຈີຈຽງໃນ ສປ ຈີນ ປະກາດນຳໃຊ້ກົດ  ໝາຍຫ້າມບໍ່ໃຫ້ຫຼິ້ນໂທລະສັບມືຖືຂະນະຍ່າງ ຫຼື ຂີ່ລົດຂ້າມຖະໜົນ ຖ້າຫາກຝ່າຝືນຄຳສັ່ງຈະຖືກປັບໄໝສູງສຸດ 50 ຢວນ.

ໂດຍສະພາປະຊາຊົນແຫ່ງຊາດຈີນມົນທົນເຈີຈຽງໄດ້ອະນຸມັດກົດໝາຍໃໝ່ຂອງເມືອງຈຽງຊິງດັ່ງນີ້ ຫ້າມບຸກຄົນໃດກໍຕາມນຳໃຊ້ໂທ ລະສັບມືຖືຂະນະຍ່າງ ຫຼື ຂີ່ລົດຂ້າມຖະໜົນ ຫ້າມຖີ້ມຂິ້ເຫຍື້ອຈາກລົດອອກນອກ ຫຼື ຂະນະຂັບຂີ່ ຖ້າຝ່າຝືນຈະຖືກປັບໄໝ 20-200 ຢວນ ແລະ ຈອດລົດບໍ່ຖືກບ່ອນຈະຖືກໂທດປັບໄໝ 100 ຢວນ ພ້ອມນີ້ ກໍໄດ້ສັ່ງຫ້າມບໍ່ໃຫ້ສົ່ງສຽງດັງອັນກໍ່ໃຫ້ເກີດຄວາມບໍ່ສະຫງົບໃນອາຄານບໍ່ວ່າຈະເປັນ ໂຮງຮຽນ ໂຮງໝໍ ຫໍສະໝຸດ ພິພິທະພັນ ລວມທັງໂຮງຮູບເງົາ ແມ່ນຈະມີໂທດປັບໄໝ 200 ຢວນ.

ຢ່າງໃດກໍຕາມ ປະເດັນທີ່ໄດ້ຮັບຄວາມສົນໃຈຫຼາຍທີ່ສຸດໃນກົດໝາຍສະບັບນີ້ກໍຄືເລື່ອງຫ້າມຫຼິ້ນໂທລະສັບມືຖືຂະນະຍ່າງ ຫຼື ຂີ່ລົດ ຂ້າມຖະໜົນ ທັງນີ້ ເມື່ອປີ 2017 ໃນມົນທົນກວາງຕຸ້ງເຄີຍເກີດເຫດການລົດຖີບຕຳກັບຄົນຍ່າງທີ່ກຳລັງຂ້າມຖະໜົນຂະນະທີ່ຜູ້ກ່ຽວຫຼິ້ນໂທລະສັບມືຖືໂດຍບໍ່ເບິ່ງໄຟສັນຍານຈະລາຈອນ ເຫດການດັ່ງກ່າວສົ່ງຜົນໃຫ້ເກີດຄວາມເສຍຫາຍທັງສອງຝ່າຍ ແລະ ຮ້າຍ ແຮງໄປກວ່ານັ້ນກໍຄືມີຝ່າຍໜຶ່ງເຖິງຂັ້ນເສຍຊີວິດ.

 

 

 

 

ຮຽບຮຽງ: ເພັງສະຫວັນ

ຮູບພາບ: China Xinhua News

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.