ຈີນເປີດບໍລິການລົດໄຟຄວາມໄວສູງທີ່ບໍ່ມີຄົນຂັບ!!

0
1475

ສປ ຈີນເປີດໃຫ້ບໍລິການ “ສະມາດໄຮສະປີດເທຣນ” ລົດໄຟຄວາມໄວສູງຂະບວນທຳອິດຂອງໂລກທີ່ໃຊ້ 5G ບັງຄັບເຄື່ອງຍົນ, ຊຶ່ງແລ່ນດ້ວຍຄວາມໄວສູງສຸດ 350 ກີໂລແມັດຕໍ່ຊົ່ວໂມງ.

ເມື່ອບໍ່ດົນມານີ້ຈີນໄດ້ເປີດໃຫ້ບໍລິການລົດໄຟຄວາມໄວສູງໃນເສັ້ນທາງລະຫວ່າງນະຄອນປັກກິ່ງໄປຍັງເມືອງຈາງເຈ້ຍໂກ (Zhangjiakou) ໄລຍະທາງ 173 ກີໂລແມັດ, ຊຶ່ງເປັນເມືອງທີ່ກຽມເປັນເຈົ້າພາບຈັດການແຂ່ງຂັນກີລາໂອລິມປິກລະດູໜາວ 2022.

ໂດຍສຳນັກຂ່າວຊີເອັນເອັນໄດ້ລະບຸວ່າ: ເສັ້ນທາງລົດໄຟຄວາມໄວສູງສາຍປັກກິ່ງ-ຈາງເຈ້ຍໂກຈະສາມາດຊ່ວຍຫຼຸດໄລຍະເວລາການເດີນທາງຈາກເດີມ 2-3 ຊົ່ວໂມງໃຫ້ເຫຼືອພຽງແຕ່ 47 ນາທີ.

ຢ່າງໃດກໍຕາມ ຄວາມສົມບູນແບບຂອງລົດໄຟລຸ້ນໃໝ່ນີ້ ສປ ຈີນໄດ້ໃຊ້ເຕັກໂນໂລຊີ 5G ລວມເຖິງເຊັນເຊີ 2.718 ໂຕເພື່ອລວບ ລວມຂໍ້ມູນແບບຣຽວທາມ ແລະ ກວດຈັບຄວາມຜິດປົກກະຕິໃນລະຫວ່າງການເຮັດວຽກຂອງລົດໄຟ, ຊຶ່ງໝາຍຄວາມວ່າລົດໄຟສະ ມາດໄຮສະປີດເທຣນສາມາດອອກແລ່ນໃຫ້ບໍລິການ ແລະ ຈອດຢູ່ແຕ່ລະສະຖານີຕາມເສັ້ນທາງ ລວມເຖິງປັບຫຼຸດ-ເພີ່ມຄວາມໄວລະຫວ່າງເສັ້ນທາງໄດ້ຈົນເຖິງຈຸດສິ້ນສຸດຂອງການບໍລິການ.

ເຖິງແມ່ນວ່າລົດໄຟອັດສະລິຍະທີ່ໄຮ້ຄົນຂັບຈະສົມບູນແບບສໍ່າໃດກໍຕາມກໍຕ້ອງມີຄົນຄອຍສັງເກດການຄວາມຮຽບຮ້ອຍຂອງລະບົບບໍລິເວນຫົວຂະບວນບໍ່ຕ່າງຈາກລົດໄຟຄວາມໄວສູງທົ່ວໄປ, ພຽງແຕ່ເຂົາເຈົ້າບໍ່ໄດ້ເປັນຄົນຄວບຄຸມດ້ວຍຕົນເອງເທົ່ານັ້ນ.

ສຳລັບລາຄາປີ້ລົດໄຟແມ່ນເລີ່ມຕົ້ນແຕ່ 77 ຢວນຫາ 231 ຢວນ, ສຳລັບລົດໄຟຄວາມໄວສູງແບບທຳມະດາ, ສ່ວນສະມາດໄຮສະປີດເທຣນແມ່ນລາຄາເລີ່ມຕົ້ນທີ່ 90 ຢວນຫາ 270 ຢວນ. ປັດຈຸບັນ ຈີນມີລະບົບເຄືອຂ່າຍລົດໄຟຄວາມໄວສູງທົ່ວປະເທດ ລວມ ຄວາມຍາວແລ້ວກວ່າ 35.000 ກີໂລແມັດ, ໂດຍລົດໄຟຄວາມໄວສູງທີ່ສຸດໃນ ສປ ຈີນທີ່ເປີດໃຫ້ບໍລິການໃນປັດຈຸບັນນີ້ຄື: ລົດໄຟຊຽງໄຮ້ Maglev.

 

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.