ຈີນຫ້າມທະຫານອາເມຣິກາເຂົ້າຮົງກົງ-ຂວໍ້າບາດ NGO

0
7903

ລັດຖະບານ ສປ ຈີນ ບໍ່ອະນຸຍາດໃຫ້ກອງທັບທະຫານຂອງອາເມຣິກາມາແວະພັກເຊົາທີ່ຮົງກົງຄືກັບທີ່ເຄີຍປະຕິບັດມາດົນກວ່າ 20 ປີ ແລະ ຂວໍ້າບາດອົງກອນເອັນຈີໂອ (NGO) ອາເມຣິກາເພື່ອຕອບໂຕ້ທີ່ອາເມຣິກາຜ່ານກົດໝາຍສະໜັບສະໜູນການປະທ້ວງໃນຮົງກົງ.

ສຳນັກຂ່າວຕ່າງປະເທດລາຍງານເມື່ອວັນທີ 2 ທັນວາຜ່ານມາວ່າ: ກະຊວງຕ່າງປະເທດຂອງ ສປ ຈີນປະກາດວ່າເຂົາເຈົ້າຈະບໍ່ອະນຸ ຍາດໃຫ້ເຮືອຮົບ ແລະ ເຮືອບິນຮົບຂອງອາເມຣິກາເດີນທາງເຂົ້າມາຮົງກົງແບບບໍ່ມີກຳນົດ ແລະ ຈະຂວໍ້າບາດອົງກອນ NGO ແລະ ອີກຫຼາຍໜ່ວຍງານໃນກໍລະນີທີ່ອາເມຣິກາໃຫ້ການສະໜັບສະໜູນກຸ່ມຜູ້ປະທ້ວງໃຫ້ກໍ່ອາຊະຍາກຳດ້ວຍຄວາມຮຸນແຮງ.

ມາດຕະການດັ່ງກ່າວເປັນການຕອບໂຕ້ທີ່ອາເມຣິກາບັງຄັງໃຊ້ກົດໝາຍສິດທິມະນຸດ ແລະ ປະຊາທິປະໄຕຮົງກົງເມື່ອບໍ່ດົນມານີ້ເພື່ອສະໜັບສະໜູນຜູ້ປະທ້ວງຕໍ່ຕ້ານລັດຖະບານຮົງກົງ ແລະ ອາດມີຈການລົງໂທດຈີນດ້ວຍການຂວໍ້າບາດ. ທ່ານ ນາງ ຫົວ ຊຸນອິງ ໂຄສົກຍິງກະຊວງຕ່າງປະເທດຂອງ ສປ ຈີນ ກ່າວວ່າ: ພວກເຮົາຂໍຮຽກຮ້ອງໃຫ້ອາເມຣິກາແກ້ໄຂຂໍ້ ຜິດພາດ ແລະ ຢຸດແຊກແຊງກິດຈະການພາຍໃນຂອງພວກເຮົາ, ຈີນຈະມີມາດຕະການເພີ່ມເຕີມອີກຫາກຈຳເປັນເພື່ອຮັກສາສະຖຽນລະພາບ ແລະ ຄວາມຈະ ເລີນຮຸ່ງເຮືອງຂອງຮົງກົງ ແລະ ອະທິປະໄຕຂອງ ສປ ຈີນ.

ຂະນະທີ່ໜ່ວຍງານຂອງ NGO ຂອງອາເມຣິກາທີ່ຖືກ ສປ ຈີນ ຂວໍ້າບາດລວມເຖິງອົງການກອງທຶນແຫ່ງຊາດເພື່ອປະຊາທິປະໄຕ (NED), ອົງການປະຊາທິປະໄຕແຫ່ງຊາດເພື່ອກິດຈະການລະຫວ່າງປະເທດ (NDIIA), ອົງການສາທາລະນະລັດສາກົນ (IRI), ກຸ່ມຮິວແມນໄຣວອດ ແລະ ອົງການຟຣີດອມເຮົາ ຊຶ່ງເຂົາເຈົ້າມີສ່ວນຮັບຜິດຊອບໃນຄວາມວຸ້ນວາຍທີ່ເກີດຂຶ້ນໃນຮົງກົງ ແລະ ເຂົາ ເຈົ້າຄວນຖືກຂວໍ້າບາດ ແລະ ຮັບຜິດຊອບ.

ທັງນີ້ ໃນສະຖານະການປົກກະຕິເຮືອຂອງກອງທັບອາເມຣິກາຫຼາຍລຳຈະເດີນທາງມາແວະພັກເຊົາທີ່ຮົງກົງເປັນປະຈຳທຸກປີ, ທັງເພື່ອພັກຜ່ອນ ແລະ ອື່ນໆທີ່ເຄີຍປະຕິບັດມານັບແຕ່ຮົງກົງຢູ່ພາຍໃຕ້ການປົກຄອງຂອງອັງກິດ ແລະ ຈີນກໍອະນຸຍາດໃຫ້ປະຕິບັດໄດ້ເຖິງແມ່ນວ່າອັງກິດຈະສົ່ງຄືນຮົງກົງໃຫ້ແລ້ວກໍຕາມ.

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.