ຈີນສັ່ງຫ້າມ… “ການສະເຫຼີມສະຫຼອງບໍ່ຈຳເປັນຕ້ອງມີຫູສະຫຼາມ”

0
3483

ສະຫຼາມກາຍເປັນປະເດັນທີ່ສ້າງຄວາມຕື່ນຕົວກ່ຽວກັບການອະນຸຮັກສັດໃນຫຼາຍປະເທດທົ່ວໂລກ, ຈາກກໍລະນີທີ່ມີສຽງວິພາກວິຈານກ່ຽວກັບການຮັບປະທານເມນູຫູສະຫຼາມໃນງານລ້ຽງສຳຄັນຂອງລັດຖະບານຫຼາຍໆຄັ້ງ. ທັງນີ້ ການຕັດຄີບສະຫຼາມເພື່ອນຳມາແປຮູບເປັນຫູສະຫຼາມເສີບເທິງໂຕະອາຫານສ່ວນໃຫຍ່ແມ່ນຕັດນິຍົມຕັດແບບສົດໆ, ກ່ອນທີ່ສະຫຼາມທີ່ເຄາະຮ້າຍເຫຼົ່ານັ້ນຈະຖືກໂຍນລົງທະເລໂດຍບໍ່ສົນໃຈວ່າພວກມັນຈະມີຊີວິດ ຫຼື ຕາຍ?.

ຈາກການສຶກສາຂອງສະຫະພາບລະຫວ່າງປະເທດເພື່ອການອະນຸຮັກທຳມະຊາດ ຫຼື IUNC ພົບວ່າ: ແຕ່ລະປີມີສະຫຼາມຖືກຂ້າປະ ມານ 100 ລ້ານໂຕ, ໃນນີ້ມີຢ່າງໜ້ອຍ 73 ລ້ານໂຕຖືກຂ້າເພື່ອເອົາຄີບມາເຮັດເປັນຫູສະຫຼາມ ແລະ ໃນຊ່ວງບໍ່ເທົ່າໃດທົດສະວັດຜ່ານມາເສດຖະກິດຂອງຈີນກໍໄດ້ຂະຫຍາຍຕົວເພີ່ມຂຶ້ນ, ເຮັດໃຫ້ການບໍລິໂພກຫູສະຫຼາມເປັນທີ່ຮູ້ຈັກໃນວົງກວ້າງໃນຖານະເມນູທີ່ເປັນສິ່ງບົ່ງບອກລະດັບຖານະ ແລະ ເມື່ອລະຫວ່າງປີ 1985-2001 ພົບວ່າ: ການບໍລິໂພກຫູສະຫຼາມເພີ່ມຂຶ້ນເຖິງ 2 ເທົ່າ.

ຄວາມຕ້ອງການຂອງຕະຫຼາດຖືເປັນອີກໜຶ່ງປັດໄຈທີ່ເລັ່ງໃຫ້ເກີດການລ່າສະຫຼາມເພີ່ມຂຶ້ນ, ແຕ່ໃນທາງກົງກັນຂ້າມກວ່າທີ່ສະຫຼາມແຕ່ລະໂຕຈະເຕີບໃຫຍ່ແມ່ນໃຊ້ເວລາປະມານ 12-15 ປີ, ສ່ວນສະຫຼາມທີ່ໃຫຍ່ເຕັມທີ່ກໍສືບພັນຊ້າທັງຍັງໃຊ້ເວລາຕັ້ງທ້ອງສະເລ່ຍ 1-3 ປີ, ການເກີດຂອງສະຫຼາມຈຶ່ງບໍ່ສາມາດຊົດເຊີຍຈຳນວນສະຫຼາມທີ່ຖືກຂ້າ, ການລ່າສະຫຼາມເກີນຂີດຈຳກັດຈຶ່ງສົ່ງຜົນໃຫ້ປະຊາ ກອນສະຫຼາມ 10 ສາຍພັນຫຼຸດລົງເຖິງ 98% ແລະ ພວມຫຍັບໃກ້ເຂົ້າສູ່ພາວະສູນພັນ.

ນອກຈາກນີ້ ການຫຼຸດຈຳນວນຂອງສະຫຼາມຍັງສົ່ງຜົນກະທົບຕໍ່ລະບົບນິເວດທະເລ, ເນື່ອງຈາກສະຫຼາມຢູ່ເທິງຍອດສຸດຂອງວົງຈອນອາຫານແຫ່ງທ້ອງທະເລ, ເຮັດໜ້າທີ່ຮັກສາຄວາມຫຼາກຫຼາຍທາງຊີວະພາບທາງທະເລ ແລະ ຄວາມສົມດຸນຂອງມະຫາສະໝຸດ, ຫາກບໍ່ມີສະຫຼາມລະບົບນິເວດທາງທະເລອາດຖືກທຳລາຍ ແລະ ຫຼົ້ມສະຫຼາຍ.

ດ້ວຍເຫດນີ້ຈຶ່ງເຮັດໃຫ້ນາໆປະເທດເລີ່ມຫັນມາໃຫ້ຄວາມສົນໃຈໃນການອະນຸຮັກສະຫຼາມ ໃນນັ້ນ ມີ 13 ລັດຂອງອາເມຣິກາທີ່ປະ ກາດໃຊ້ກົດໝາຍຫ້າມຂາຍ ຫຼື ຄອບຄອງຫູສະຫຼາມ. ນອກຈາກນີ້ ອົສຕຣາລີກໍມີກົດໝາຍຫ້າມຕັດຄີບຂະນະທີ່ສະຫຼາມຍັງມີຊີວິດ, ສ່ວນມາເລເຊຍ 1 ໃນ 10 ປະເທດທີ່ນຳເຂົ້າ-ສົ່ງອອກຫູສະຫຼາມຫຼາຍທີ່ສຸດໃນໂລກ ແລະ ເມື່ອລະຫວ່າງປີ 2000-2009 ທາງ ການກໍໄດ້ປະກາດສັ່ງໂຈະເມນູຫູສະຫຼາມໃນງານລ້ຽງຂອງລັດຖະບານເມື່ອປີ 2007.

ທັງນີ້, ເມື່ອປີ 2012 ລັດຖະບານຈີນກໍໄດ້ອອກຄຳສັ່ງເຊັ່ນດຽວກັນກັບມາເລເຊຍ ຫຼ້າສຸດ ການາດາກໍໄດ້ອອກກົດໝາຍຫ້າມນຳເຂົ້າ-ສົ່ງອອກຫູສະຫຼາມທີ່ບໍ່ໄດ້ຕິດມາກັບໂຕສະຫຼາມ ຊຶ່ງຖືເປັນປະເທດທຳອິດໃນກຸ່ມປະເທດ G20 ຫຼັງຈາກກຳນົດໃຫ້ການຕັດຄີບຂອງສະຫຼາມເປັນເລື່ອງທີ່ຜິດກົດໝາຍນັບແຕ່ປີ 1994.

 

 

ຮຽບຮຽງ: ເພັງສະຫວັນ 

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.