ຈີນປະຕິບັດການ “ສະກາຍເນັດ” ນຳຈັບຄົນໜີຄະດີສໍ້ໂກງກັບປະເທດມາຮັບໂທດ

0
870

ສຳນັກຂ່າວພີເພີລເດລີລາຍງານ ເມື່ອວັນທີ 10 ພຶດສະພາ 2019ທີ່ຜ່ານມາວ່າ ປະຕິບັດການໄລ່ລາອາຊະຍາກອນຜູ້ກະທຳຄວາມຜິດໃນຄະດີທຸຈະລິດຄໍຣັບຊັ່ນຂອງຈີນ ສາມາດນຳຕົວຜູ້ລົບໜີຄວາມຜິດຈາກທົ່ວໂລກກັບປະເທດໄດ້ 374 ຄົນ ພາຍໃນ 3 ເດືອນທຳອິດຂອງປີ 2019.

ລາຍງານລະບຸວ່າ ປະຕິບັດການດັ່ງກ່າວຂອງລັດຖະບານຈີນ ເຊິ່ງເປັນທີ່ຮູ້ຈັກກັນໃນຊື່ “Sky Net 2019” ເຊິ່ງປະຕິບັດການນີ້ ນອກຈາກຈະນຳຜູ້ກະທຳຜິດມາຮັບໂທດໄດ້ແລ້ວຍັງສາມາດຢຶດເງິນທີ່ສໍ້ໂກງໄປຄືນມາໄດ້ 624 ລ້ານຢວນ.

ປະຕິບັດການສະກາຍເນັດ 2019 ເລີ່ມຕົ້ນຂຶ້ນເມື່ອເດືອນມັງກອນ ເພື່ອຕາມຈັບກຸມຜູ້ຕ້ອງສົງໃສກະທຳຄວາມຜິດລົບໜີອອກນອກປະເທດ ລວມເຖິງການປ້ອງກັນການລົບໜີຂອງບັນດາເຈົ້າໜ້າທີ່ລັດຜູ້ທີ່ກະທຳຜິດອີກດ້ວຍ.

ທັງນີ້, ຈີນໄດ້ເລີ່ມປະຕິບັດການສະກາຍເນັດຄັ້ງທຳອິດໃນເດືອນເມສາ 2015 ໂດຍປະຕິບັດການຮອບຫຼ້າສຸດໃນປີ 2018 ສາ ມາດຈັບກຸມຕົວຜູ້ລົບໜີຄວາມຜິດກັບປະເທດໄດ້ 1.335 ຄົນ ແລະ ຢຶດຊັບສິນໄດ້ມູນຄ່າກວ່າ 3.54 ພັນລ້ານຢວນ.
ຮຽບຮຽງຂ່າວ:​ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.sanook.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.