ຈີນຍັງເປັນປະເທດທີ່ເຂົ້າມາທ່ຽວລາວຫຼາຍທີ່ສຸດໃນປີ 2019 ສ່ວນຟິນແລນຫຼຸດລົງ 28%

0
87

ອີງຕາມການລາຍງານຂ່າວອງເວັບໄຊວຽນທຽນທາມລາຍງານໃຫ້ຮູ້ວ່າ: ສະຖິຕິນັກທ່ອງທ່ຽວທີ່ເດີນທາງເຂົ້າມາທ່ຽວ ສປປ ລາວ ໃນໄລຍະປີ 2019 ຫຼື ເອີ້ນວ່າປີການທ່ອງທ່ຽວ “ລາວ-ຈີນ” ໄດ້ເຮັດໃຫ້ຈໍານວນນັກທ່ອງທ່ຽວຈາກ ສປ ຈີນ ເພີ່ມຂຶ້ນແບບກ້າວກະໂດດທີ່ 27% ຫຼື ເປັນຈໍານວນ 1,02 ລ້ານເທື່ອຄົນ.

ຈາກການໃຫ້ຂໍ້ມູນຂອງທ່ານຫົວໜ້າກົມການຕະຫຼາດການທ່ອງທ່ຽວກະຊວງຖະແຫຼ່ງຂ່າວ ວັດທະນາທໍາ ແລະ ທ່ອງທ່ຽວຂອງ ສປປ ລາວ ໃຫ້ຮູ້ວ່າ: ໃນປີ 2019 ມີນັກທ່ອງທ່ຽວຕ່າງປະເທດເຂົ້າມາທ່ອງທ່ຽວ ສປປ ລາວ ເປັນຈໍານວນທັງໝົດ 4,58 ລ້ານຄົນ ເພີ່ມຂຶ້ນຈາກສະຖິຕິການທ່ອງທ່ຽວປີ 2018 ປະມານ 9%.

ສ່ວນໂຕເລກປະເທດທີ່ມີຈຳນວນນັກທ່ອງທ່ຽວເຂົ້າມາທ່ຽວລາວເພີ່ມຂຶ້ນໃນປີ 2019 ມີດັ່ງນີ້:

ນັກທ່ອງທ່ຽວຈາກ ສປ ຈີນ ເພີ່ມຂຶ້ນທີ່ 27% ຫຼື ເປັນຈໍານວນ 1,02 ລ້ານເທື່ອຄົນ
ນັກທ່ອງທ່ຽວຈາກປະເທດໄທ ຊຶ່ງເປັນແຫຼ່ງນັກທ່ອງທ່ຽວຫຼັກທີ່ເຂົ້າມາທ່ອງທ່ຽວລາວເພີ່ມຂຶ້ນ 6%
ນັກທ່ອງທ່ຽວຈາກ ສສ ຫວຽດນາມ ເພີ່ມຂຶ້ນ 11%
ນັກທ່ອງທ່ຽວຊາວອາເມຣິກາເພີ່ມຂຶ້ນ 22%
ນັກທ່ອງທ່ຽວຊາວອັງກິດ ເພີ່ມຂຶ້ນ 22%
ນັກທ່ອງທ່ຽວຈາກຝຣັ່ງ ເພີ່ມຂຶ້ນ 11%
ນັກທ່ອງທ່ຽວຈາກປະເທດເຢຍລະມັນ ເພີ່ມຂຶ້ນ 13%

ຂະນະທີ່ໂຕເລກປະເທດທີ່ມີຈຳນວນນັກທ່ອງທ່ຽວເຂົ້າມາທ່ຽວລາວຫຼຸດລົງໃນປີ 2019 ມີດັ່ງນີ້:
ນັກທ່ອງທ່ຽວ ສ.ເກົາຫຼີ ຫຼຸດລົງ 1%
ນັກທ່ອງທ່ຽວເດນມາກ ຫຼຸດລົງ 27%
ນັກທ່ອງທ່ຽວສະວິສເຊີແລນ ຫຼຸດລົງ 18%
ນັກທ່ອງທ່ຽວຟິນແລນ ຫຼຸດລົງ 28%

ສຳລັບໃນປີ 2020 ສປປ ລາວ ຕັ້ງເປົ້າໝາຍຕ້ອນຮັບນັກທ່ອງທ່ຽວຕ່າງປະເທດໃຫ້ໄດ້ທັງໝົດ 4,9 ລ້ານຄົນ.​

 

 

ຮຽບຮຽງບົດ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.