ຈຳນວນປະຊາກອນໃນຍີ່ປຸ່ນຫຼຸດລົງຕໍ່ເນື່ອງ ຂະນະທີ່ຊາວຕ່າງຊາດເພີ່ມຂຶ້ນ

0
131

ສຳນັກຂ່າວຊື່ດັງຂອງຍີ່ປຸ່ນເປີດເຜີຍເມື່ອວັນທີ 11 ກໍລະກົດຜ່ານມາວ່າ ຈາກຂໍ້ມູນຂອງກະຊວງກິດຈະການພາຍໃນ ແລະ ການສື່ສານທີ່ຖະແຫຼງເມື່ອວັນທີ 1 ມັງກອນ 2019 ໂດຍຊີ້ໃຫ້ເຫັນໂຕເລກຈຳນວນປະຊາກອນຂອງຍີ່ປຸ່ນປີນີ້ຢູ່ທີ່ 124,7 ລ້ານຄົນ ຫຼຸດລົງຈາກປີກ່ອນເຖິງ 433.000 ຄົນ ຊຶ່ງເປັນການຫຼຸດລົງຫຼາຍທີ່ສຸດນັບແຕ່ທີ່ມີການເລີ່ມສຳຫຼວດປະຊາກອນໃນປີ 1968.

ສ່ວນອັດຕາການເກີດໃໝ່ຂອງປະຊາກອນໃນຍີ່ປຸ່ນກໍຫຼຸດຕ່ຳລົງເຊັ່ນກັນ ໂດຍອັດຕາການເກີດເມື່ອປີຜ່ານມາຢູ່ທີ່ 921.000 ຄົນ ຊຶ່ງເປັນໂຕເລກຕ່ຳສຸດນັບແຕ່ປີ 1979 ແລະ ຈຳນວນເດັກເກີດໃໝ່ໃນຍີ່ປຸ່ນຕ່ຳກວ່າ 1 ລ້ານຄົນເປັນປີທີ 3 ຕິດຕໍ່ກັນ.

ຢ່າງໃດກໍດີ ການສຳຫຼວດປີນີ້ຍັງພົບວ່າ ຊາວຕ່າງຊາດທີ່ອາໄສຢູ່ໃນຍີ່ປຸ່ນເພີ່ມຂຶ້ນເຖິງ 2,66 ລ້ານຄົນ ຊຶ່ງເກີນ 2% ຂອງປະຊາ ກອນທັງໝົດຂອງຍີ່ປຸ່ນເປັນຄັ້ງທຳອິດ ທັງນີ້ ຈຳນວນຊາວຕ່າງຊາດເພີ່ມຂຶ້ນໃນທຸກແຂວງ ໂດຍນະຄອນໂຕກຽວມີຊາວຕ່າງຊາດອາໄສຢູ່ຫຼາຍທີ່ສຸດ ຮອງລົງມາແມ່ນຢູ່ແຂວງໄອຈິ ແລະ ໂອຊາກາຕາມລຳດັບ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.