ຈັບແກ້ງລ່າສັດໃນບຣາຊິນ “ສັງຫານສັດປ່າຫຼາຍກວ່າ 1 ພັນໂຕ”

0
538

ສຳນັກຂ່າວຕ່າງປະເທດລາຍງານເມື່ອວັນທີ 12 ກໍລະກົດຜ່ານມາວ່າ ເຈົ້າໜ້າທີ່ຕຳຫຼວດບຣາຊິນໄດ້ບຸກເຂົ້າຈັບແກ້ງລ່າສັດແບບຜິດກົດໝາຍ ຊຶ່ງມີສະມາຊິກ 7 ຄົນທີ່ຕ້ອງສົງໃສວ່າສັງຫານສັດປ່າໃກ້ສູນພັນຫຼາຍພັນຊີວິດ ລາຍງານຂ່າວດຽວກັນລະບຸອີກວ່າ ຫົວໜ້າແກ້ງດັ່ງກ່າວແມ່ນທັນຕະແພດ (ໝໍປົວແຂ້ວ) ຊື່ວ່າ ເຕມິສ ໂຕເຄລສ ບາຣໂບຊາ ເຟຣຣີ ຊຶ່ງມີລາຍງານວ່າໄດ້ສັງຫານເສືອຈາກົວຫຼາຍກວ່າ 1.000 ໂຕນັບແຕ່ປີ 1987 ຂະນະດຽວກັນກໍມີການເຜີຍແຜ່ພາບຖ່າຍການລ່າເສືອຈາກົວຂອງກຸ່ມດັ່ງກ່າວ.

ທັງນີ້ ສະມາຊິກແກ້ງລ່າສັດ 7 ຄົນນອກຈາກໝໍແຂ້ວ ຍັງມີແພດ ຊາວກະສິກອນ ເຈົ້າໜ້າທີ່ເຮືອນຈຳ ຊ່າງໄຟ ແລະ ອີກ 2 ຄົນບໍ່ຮູ້ອາຊີບ ໄດ້ຮ່ວມກັນສັງຫານສັດປ່າຈຳນວນຫຼາຍ ໃນນັ້ນ ລວມທັງເສືອຈາກົວ ຄາປິບາຣາ ເປັກຄາຣີ (ສັດຄ້າຍຄືໝູ) ແລະ ກວາງແດງ ໂດຍທາງການບຣາຊິນລະບຸວ່າ ເຈົ້າໜ້າທີ່ຕຳຫຼວດໄດ້ດັກຟັງການສົນທະນາຂອງແກ້ງດັ່ງກ່າວ ແລະ ເຝົ້າຕິດຕາມຄາວວມເຄື່ອນໄຫວຢ່າງໜ້ອຍ 3 ເດືອນກ່ອນເຂົ້າກັກຕົວ ດັ່ງນັ້ນ ສານຈຶ່ງໄດ້ເປີດການພິຈາລະນາຄະດີອາຍາໃນຂໍ້ຫາລ່າສັດປ່າແບບຜິດກົດໝາຍ ແລະ ໃຊ້ອາວຸດປືນໂດຍບໍ່ມີໃບອະນຸຍາດ ຂະນະທີ່ຢູ່ລະຫວ່າການສືບສວນ-ສອບສວນຖ້າຫາກຕັດສິນວ່າສະມາຊິກໃນແກ້ງມີຄວາມຜິດກໍຈະຕ້ອງຖືກຕິດຄຸກ ແລະ ປັບໄໝ ຊຶ່ງຂຶ້ນຢູ່ກັບຄວາມຜິດທີ່ແຕ່ລະຄົນກະທຳ.

ເສືອຈາກົວເປັນເສືອທີ່ມີຂະໜາດໃຫຍ່ທີ່ສຸດໃນລາຕິນອາເມຣິກາ ແລະ ເປັນໜຶ່ງໃນສັດທີ່ຢູ່ໃນອະນຸສັນຍາວ່າດ້ວຍການຄ້າລະຫວ່າງປະເທດ (ຊະນິດສັດປ່າ ແລະ ພືດທີ່ໃກ້ສູນພັນ) ຫຼື  (CITES)  ຊຶ່ງໃນປະເທດບຣາຊິນແມ່ນມີກົດໝາຍຫ້າມລ່າ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.