ຈະແກ້ໄຂແນວໃດ? ຫາກຕ້ອງຜະເຊີນກັບມົນລະພິດທາງອາກາດ (PM2,5)

0
61

ຜົນກະທົບຈາກຝຸ່ນພິດທີ່ຫຼາຍໆຄົນຮູ້ສຶກໄດ້ຢ່າງຊັດເຈນຄົງຈະໜີບໍ່ພົ້ນອາກາດແສບຄໍ ເຈັບຄໍ ໄອ ແລະ ອື່ນໆຊຶ່ງກໍ່ໃຫ້ເກີດຄວາມຮູ້ສຶກໜ້າລຳຄານ ຊຶ່ງມື້ນີ້ທາງທີມງານໄດ້ໄປຊອກຄົ້ນວິທີທີ່ຊ່ວຍບັນເອົາອາການຕ່າງໆເຫຼົ່ານັ້ນມາຝາກບັນດາທ່ານ ຊຶ່ງຈະມີວິທີໃດໃຫ້ໄປລອງນຳໃຊ້ແດ່ນັ້ນມາຊອກຮູ້ໄປພ້ອມໆກັນເລີຍ.

  1. ດື່ມນໍ້າຫຼາຍໆ ໃນຊ່ວງເວລາທີ່ຄັນຄໍ ຫຼື ແສບຄໍຈາກຝຸ່ນຄວນດື່ມນໍ້າໃຫ້ຫຼາຍກວ່າປົກກະຕິຢ່າງໜ້ອຍ 6 ຈອກຕໍ່ມື້ ທັງນີ້ ກໍເພື່ອໃຫ້ນໍ້າເຂົ້າໄປເພີ່ມຄວາມຊຸ່ມຊື່ນໃຫ້ກັບເຍື່ອບຸລຳຄໍ ທັງຊ່ວຍຫຼຸດອາກາດລະຄາຍຄໍໄດ້ອີກດ້ວຍ.
  2. ຮັບປະທານອາຫານອ່ອນໆ ຫາກຮູ້ສຶກເຈັບ ຫຼື ແສບຄໍຄວນຮັບປະທານອາຫານອ່ອນໆເຊັ່ນ ເຂົ້າຕົ້ມ ຫຼື ໂຈ໊ກທີ່ບໍ່ຮ້ອນຈົນເກີນໄປ ເພາະອາຫານປະເພດນີ້ຈະຊ່ວຍໃຫ້ກືນງ່າຍ ແລະ ບໍ່ເຈັບຄໍ.
  3. ງົດອາຫານລົດຊາດຈັດ ຊຶ່ງອາຫານເຫຼົ່ານີ້ອາດເຮັດໃຫ້ເກີດອາການລະຄາຍເຄືອງບໍລິເວນຄໍ ດັ່ງນັ້ນ ໃນຊ່ວງທີ່ມີອາການລະຄາຍຄໍ ຫຼື ແສບຄໍ ແນະນຳໃຫ້ຄວນງົດຮັບປະທານອາຫານທີ່ມີລົດຊາດຈັດ ຫຼື ເຜັດຮ້ອນຈົນກວ່າອາການຈະບັນເທົາ ຫຼື ຫາຍດີ.
  4. ບໍ່ຄວນຮັບອາຫານປະເພດຈືນ ໂດຍສະເພາະອາຫານທີ່ມີໄຂມັນສູງ ຫຼື ຜະລິດຕະພັນຈາກນົມກໍຖືເປັນປັດໄຈໜຶ່ງທີ່ເຮັດໃຫ້ເກີດອາການລະຄາຍຄໍເພີ່ມຂຶ້ນໄດ້ເຊັ່ນກັນ ອີກທັງຍັງບໍ່ດີຕໍ່ສຸຂະພາບອີກດ້ວຍ ດັ່ງນັ້ນ ຄວນຫຼີກລ້ຽງອາຫານປະເພດດັ່ງກ່າວແມ່ນດີທີ່ສຸດ.
  5. ງົດໃຊ້ສຽງຊົ່ວຄາວ ໃນກໍລະນີທີ່ຮູ້ສຶກແສບຄໍຮຸນແຮງຄວນງົດໃຊ້ສຽງ ບໍ່ວ່າຈະເປັນການຮ້ອງສຽງດັງ ແລະ ອື່ນໆໄປຈົນກວ່າອາການຈະເປັນປົກກະຕິ ຊຶ່ງອາດເຮັດໃຫ້ເສັ້ນເລືອດຝອຍໃນລຳຄໍໄດ້ຮັບຜົນກະທົບ ແລະ ເກີດການອັກເສບ.
  6. ຄວນຢູ່ໃນທີ່ຊຶ່ງມີອາກາດຖ່າຍເທສະດວກ ຫາກເປັນໄປໄດ້ໃຫ້ຢູ່ໃນອາຄານ ໃນເຮືອນ ຫຼື ຕຶກທີ່ມີອາກາດຖ່າຍເທສະດວກເພື່ອຫຼີກລ້ຽງຝຸ່ນລະອອງ ແລະ ມົນລະພິດ.

ຢ່າງໃດກໍດີ ໃນສະຖານະການທີ່ຝຸ່ນພິດແຜ່ກະຈາຍຢູ່ທົ່ວທຸກເຂດໃນເວລານີ້ ເຮົາໆທ່ານໆກໍຄວນສວມໃສ່ໜ້າກາກອະນາໄມປ້ອງກັນຝຸ່ນລະອອນເມື່ອຕ້ອງອອກໄປຂ້າງນອກ ທີ່ສຳຄັນໄລຍະນີ້ແມ່ນຕ້ອງເອົາໃຈໃສ່ດູແລສຸຂະພາບເພີ່ມຂຶ້ນ ພັກຜ່ອນນອນຫຼັບໃຫ້ພຽງ ພໍ ຮັບປະທານອາຫານທີ່ມີປະໂຫຍດ ແລະ ລ້າງມືດ້ວຍສະບູທຸກຄັ້ງກ່ອນຮັບປະທານອາຫານ ແລະ ຫຼັງຈາກອອກຈາກຫ້ອງນໍ້າ ຊຶ່ງຖືເປັນວິທີປ້ອງກັນຂັ້ນພື້ນຖານທີ່ຄວນປະຕິບັດໃຫ້ເປັນກິດຈະວັດປະຈຳວັນ.

 

 

 

 

ຮຽບຮຽງ: ພ.ສະຫວັນ

ຮູບພາບ: health.kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.