ງານມະຫະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເລື່ອນອອກໄປຈັດປີ 2020

0
410

ອີງຕາມໜັງສືສະບັບເລກທີ  388/ຫສນຍ, ລົງວັນທີ 6 ມີນາ 2019 ຫ້ອງວ່າການສຳນັກງານນາຍົກລັດຖະມົນຕີ ຈຶ່ງເຫັນດີດ້ານຫຼັກການໃຫ້ເລື່ອນການຈັດງານກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ, ໄປຈັດໃສ່ໃນລະຫວ່າງວັນທີ 22 ມີນາ -1 ເມສາ 2020 ເພື່ອໃຫ້ເໝາະສົມກັບສະພາບອາກາດຕົວຈິງ ຢູ່ແຂວງ ຊຽງຂວາງ ເພາະຖ້າຈັດໃສ່ເດືອນທັນວາ 2019 ແມ່ນສະພາບອາກາດໜາວໂພດ ແລະ ອັນສຳຄັນແມ່ນເພື່ອເປັນຂະບວນການສ້າງການຕ້ອນຮັບວັນສຳຄັນຕ່າງໆຂອງຊາດໃນປີ 2020, ແຕ່ໃຫ້ກະຊວງສຶກສາທິການ ແລະ ກີລາ ສົມທົບກັບຫ້ອງວ່າການສຳນັກງານນາຍົກລັດຖະມົນຕີ ຮ່າງບົດລາຍງານຂໍການຊີ້ນຳຈາກກົມການເມືອງສູນກກາງພັກຕື່ມ.

ໃຫ້ກະຊວງການເງິນ ກະກຽມງົບປະມານບ້ວງບໍລິຫານສໍາລັບການຈັດງານແຂ່ງຂັນກິລາແຫ່ງຊາດ ທີ່ໄດ້ຂຶ້ນແຜນໄວ້ແລ້ວນັ້ນ ໃຫ້ມີຄວາມພ້ອມໃນການນໍາໃຊ້ເວລາຈັດງານແຂ່ງຂັນໃນເດືອນມີນາ 2020.

ພ້ອມນີ້, ໃຫ້ແຂວງຊຽງຂວາງເປັນໃຈກາງສົມທົບກະຊວງສຶກສາທິການ ແລະ ກິລາ ແລະ ກະຊວງແຜນການ ແລະ ການລົງທຶນ ຕິດຕາມ ແລະ ຊຸກຍູ້ການກໍ່ສ້າງບັນດາໂຄງລ່າງຮັບໃຊ້ແກ່ການຈັດງານກິລາແຫ່ງຊາດດັ່ງກ່າວ ໃຫ້ສໍາເລັດ ແລະ ທັນມອບ-ຮັບໂຄງການ ກ່ອນມື້ເປີດງານກິລາແຫ່ງຊາດ.

 

 

 

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ຫ້ອງວ່າການສຳນັກງານນາຍົກລັດຖະມົນຕີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.