ຄົ້ນພົບບົວຫິມະສາຍພັນໃໝ່ຫາຍາກ (ກິ່ນຫອມແຮງ) ແຕ່ໃກ້ສູນພັນ

0
809

ສຳນັກຂ່າວຊື່ດັງໃນ ສປ ຈີນ ລາຍງານເມື່ອວັນທີ 13 ສິງຫາຜ່ານມາວ່າ ນັກວິໄຈຈີນໄດ້ ຄົ້ນພົບ “ບົວຫິມະ” ສາຍພັນໃໝ່ທີ່ໃກ້ຈະສູນພັນໃນເຂດຮັກສາພັນສັດປ່າແຫ່ງຊາດຫວໍຫຼົງ ໃນມົນທົນເສສວນ ທາງຕາເວັນຕົກສຽງໃຕ້ຂອງປະເທດ.

ຄະນະນັກວິໄຈຈາກສະຖາບັນພຶກສາສາດຄຸນໝິງໄດ້ເປີດເຜີຍວ່າ ບົວຫິມະພັນນີ້ມີຊື່ທາງວິທະຍາສາດວ່າ Saussurea balangshanensis ຖືກພົບໃນເຂດອັລໄພ ຫຼື ເຂດພູເຂົາສູງທີ່ມີຫິມະປົກຄຸມໃນລະດັບຄວາມສູງປະມານ 4.400-4.700 ແມັດໃນເຂດຮັກສາພັນສັດປ່າແຫ່ງຊາດຫວໍຫຼົງ ທັງນີ້ ນັກວິໄຈກ່າວໃຫ້ຮູ້ອີກວ່າ ບົວຫິມະສາຍພັນນີ້ມີຄວາມແຕກຕ່າງຈາກບົວຫິມະສາຍພັນອື່ນໆ ແລະ ມີກິ່ນຫອມທີ່ຮຸນແຮງກວ່າບົວຫິມະທຸກຊະນິດ.

ທັງນີ້ ນັກວິໄຈ ແລະ ເຈົ້າໜ້າທີ່ເຂດຮັກສາພັນສັດປ່າກວດສອບພົບວ່າ ບົວຫິມະສາຍພັນນີ້ເຫຼືອຢູ່ໜ້ອຍກວ່າ 500 ຕົ້ນ ແລະ ພູເຂົາປາຫຼ່າງຍັງເປັນສະຖານທີ່ແຫ່ງດຽວທີ່ດອກບົວຫິມະສາຍພັນນີ້ສາມາດເຕີບໂຕໄດ້ ດັ່ງນັ້ນ ມັນຈຶ່ງຢູ່ໃນສະຖານະໃກ້ສູນພັນທີ່ສຸດ ອີກທັງຖິ່ນກຳເນີດຂອງມັນຍັງຢູ່ໃກ້ກັບທາງຫຼວງ ດັ່ງນັ້ນ ຈຶ່ງຕ້ອງມີການປົກປ້ອງຢ່າງຮີບດ່ວນ ພ້ອມນີ້ ດອກບົວຫິມະປາຫຼ່າງມີຖິ່ນແຜ່ກະຈາຍທີ່ຈຳກັດທີ່ສຸດ ຊຶ່ງສົ່ງຜົນໃຫ້ເກີດລັກສະນະທາງພັນທຸກຳທີ່ແປກແຕກຕ່າງຈາກສາຍພັນອື່ນໆ.

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.