ຄົ້ນພົບກົບຊົງພະລັງ ຍົກຫີນໜັກ 2 ກີໂລ ພ້ອມສ້າງອານາຈັກໄດ້ເອງ

0
10067

ສຳນັກຂ່າວຕ່າງປະເທດລາຍງານໃນວັນທີ 12 ສິງຫາ 2019 ວ່າ ຄົ້ນພົບກົບທີ່ຊົງພະລັງຢູ່ເຂດແຄມແມ່ນ້ຳໃນເຂດປ່າຕຶບຂອງອາຟຣິກາກາງເຊັ່ນ ກາເມຣູນ ແລະ ອິເຄວທໍຣຽວກິນີ ພ້ອມນີ້ ກໍໄດ້ຕັ້ງສາຍາໃຫ້ກົບໂຕນີ້ວ່າ ກົບໂກໄລແອທ (Conraua goliath) ຊຶ່ງເປັນກົບສາຍພັນທີ່ມີຂະໜາດໃຫຍ່ທີ່ສຸດໃນໂລກ ທັງນີ້ ກົບສາຍພັນດັ່ງກ່າວມີຄວາມແຂງແຮງ ສາມາດຍົກກ້ອນຫີນທີ່ມີນ້ຳໜັກເຄິ່ງໜຶ່ງຂອງນ້ຳໜັກໂຕຂອງມັນໄດ້.

ທັງນີ້ ຄະນະນັກວິໄຈຈາກກາເມຣູນ ແລະ ພິພິທະພັນທຳມະຊາດວິທະຍາໃນນະຄອນເບີລິນພົບວ່າ ກົບສາຍພັນນີ້ຖ້າຫາກມີຂະໜາດໃຫຍ່ເຕັມໄວຈະມີນ້ຳໜັກ 2,9 ກີໂລກຣາມ ແລະ ຍາວກວ່າ  33 ຊັງຕີແມັດ (ຖ້າຫາກລວມຄວາມຍາວຂອງຂາ)  ກົບຊະນິດນີ້ສາມາດປ່ຽນສະພາບແວດລ້ອມ ຫຼື ສ້າງຮັງໃໝ່ໃນສະຂະໜາດນ້ອຍໄດ້ດ້ວຍຕົນເອງ ຈາກການສຳຫຼວດຂອງນັກວິໄຈທີ່ແຄມຝັ່ງແມ່ນ້ຳໃນກາເມຣູນພົບວ່າ ກົບສາມາດສ້າງຮັງຊຶ່ງຫ່າງຈາກກະແສນ້ຳ ແລະ ບັນດານັກລ່າ ຈາກນັ້ນກໍຈະຂຸດສະນ້ຳຂະໜາດນ້ອຍທີ່ມີຄວາມກວ້າງປະມານ 91 ຊັງຕີແມັດ ເລິກ 10 ຊັງຕີແມັດ ແລະ ບາງຄັ້ງພົບວ່າມັນສາມາດຍ້າຍກ້ອນຫີນທີ່ມີນ້ຳໜັກເຖິງ 2 ກີໂລກຣາມໄດ້.

ຢ່າງໃດກໍຕາມ ທີມນັກວິໄຈກໍຫວັງວ່າຜົນການວິໄຈຈະສາມາດຊ່ວຍໃຫ້ການອະນຸຮັກກົບສາຍພັນນີ້ຊຶ່ງກຳລັງຫຍັບໃກ້ເຂົ້າສູ່ພາວະສູນ ພັນທຸກຂະນະຊຶ່ງສາເຫດກໍເນື່ອງຈາກຖືກບຸກລຸກຖິ່ນອາໄສ ອີກທັງສະພາບອາກາດປ່ຽນແປງ ແລະ ມົນລະພິດທີ່ສົ່ງຜົນກະທົບຕໍ່ສັດເຄິ່ງບົກເຄິ່ງນ້ຳປະມານ 40% ສ່ຽງສູນພັນ.

 

 

 

 

ຮຽບຮຽງ: ພ.ສະຫວັນ 

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.