ຄຳມ່ວນປັງປຸງແຫຼ່ງທ່ອງທ່ຽວ “ຂຸນກອງແລງ” ເປີດໃຫ້ບໍລິການໃນປີໜ້າ

0
132

ທະເລສາບທີ່ໄດ້ຮັບຄວາມນິຍົມໃນເຂດຫີນບູນ ແຂວງຄຳມ່ວນ ຊຶ່ງຄາດວ່າຈະເປີດໃຫ້ບໍລິການອີກຄັ້ງໃນຕົ້ນປີໜ້າ ຫຼັງຈາກປິດໃຫ້ບໍລິການເມື່ອເດືອນມີນາ 2019 ເພື່ອປຸກສ້າງສິ່ງອຳນວຍຄວາມສະດວກໃໝ່.

ເຈົ້າໜ້າຮັບຜິດຊອບໂຄງການ (ບໍ່ປະສົງອອກນາມ) ໄດ້ໃຫ້ສຳພາດກັບວຽງຈັນທາມ ເມື່ອບໍ່ດົນມານີ້ວ່າ “ຂຸນກອງແລງ” ໄດ້ຮັບການພັດທະນາແຫຼ່ງທ່ອງທ່ຽວທີ່ສຳຄັນ ຊຶ່ງໄດ້ມີການຈັດໃຫ້ມີຫຼາຍກິດຈະກຳເຊັ່ນ ພາຍເຮືອກາບ ຖີບລົດ ປີນໜ້າຜາ-ປີນເຂົາ ແລະ ໃນຂະນະດຽວກັນກໍມີການສ້າງຣີສອດ ຮ້ານອາຫານ ແລະ ສວນພຶກສາ ບໍລິສັດລາວໄດ້ຮັບການສຳປະທານ 50ປີ ເພື່ອດຳເນີນການກໍ່ສ້າງສະຖານທີ່ດັ່ງກ່າວ  ແລະ ຄາດວ່າໃນປີໜ້າຈະມີບາງກິດຈະກຳໃນແຜນງານສ້າງສຳເລັດໃນໄລຍະທຳອິດ.

ທະເລສາບຂຸນກອງແລງມີຂະໜາດນ້ອຍແຕ່ມີຄວາມໃຈ ເໝາະສຳລັບໄປພັກຜ່ອນ ໄປກິນເຂົ້າປ່າ ແລະ ລອຍນໍ້າ ເນື່ອງຈາກເປັນສະຖານທີ່ຮົ່ມເຢັນ ແລະ ນໍ້າມີສີຂຽວມໍລະກົດເປັນເອກະລັກໂດດເດັ່ນ.

ນັກທ່ອງທ່ຽວທີ່ມາທ່ຽວແຂວງຄຳມ່ວນ ຍັງສາມາດເພີດເພີນໃຈໄປກັບສະຖານທີ່ທ່ອງທ່ຽວທີ່ໜ້າສົນໃຈຫຼາກຫຼາຍເຊັ່ນ ຖໍ້ານາງແອ່ນ ຖໍ້າພະນາ ຖໍ້າພຣະ ຖໍ້າກອງລໍ ຖໍ້າປາຝາ ທີ່ລ້ວນຄວນຄ່າແກ່ການທ່ຽວຊົມນັ້ນຄື ກຳແພງເພັດຊຶ່ງເປັນປະກົດການທາງທຳ ມະຊາດຊຶ່ງຮູ້ຈັກກັນໃນຊື່ “ກຳແພງຍັກ” ໃນຂະນະທີ່ນໍ້າຕົກຕາດຊາງຊູ ແລະ ນໍ້າຕົກຕາດຊານາມ ແມ່ນມີຄວາມຕື່ນຕາຕື່ນໃຈບໍ່ແພ້ກັນ.

ອີງຕາມການລາຍງານຂອງພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວແຂວງຄຳມ່ວນໃຫ້ຮູ້ວ່າ ໂຊກດີທີ່ບໍ່ມີສະຖານທີ່ທ່ອງທ່ຽວໃດໆຂອງແຂວງຄຳມ່ວນໄດ້ຮັບຜົນກະທົບຈາກນໍ້າຖ້ວມ ແລະ ຍັງເປີດໃຫ້ນັກທ່ອງທ່ຽວເຂົ້າມາທ່ຽວຊົມຕາມປົກກະຕິ ເຖິງຢ່າງ ໃດກໍຕາມ ບາງເສັ້ນທາງທີ່ເຂົ້າເຖິງແມ່ນຢູ່ໃນສະພາບທີ່ບໍ່ດີ ແລະ ກຳລັງມີການສ້ອມແປງ.

ແຂວງຄຳມ່ວນ ຕັ້ງຢູ່ໃຈກາງປະເທດລາວ ແລະ ຫ່າງຈາກນະຄອນຫຼວງວຽງຈັນປະມານ 360 ກີໂລແມັດ ອາຫານທ້ອງຖິ່ນແມ່ນສ່ວນໜຶ່ງທີ່ທາງຮ້ານໄດ້ກຽມໄວ້ໃຫ້ສຳລັບນັກທ່ອງທ່ຽວ ລວມທັງ khaonompan (ແປ້ງປະສົມກັບຖົ່ວ ແລະ ໝາກພ້າວ) khaokhop (ເຂົ້າໜົມປັງ) ແລະ ໝໍ້າທີ່ເຮັດຈາກຊີ້ນໝູ ຫຼື ຊີ້ນງົວປະສົມກັບຜັກບົ່ວ ໝາກ ເຜັດ ແລະ ສະໝຸນໄພ ນັກທ່ອງ ທ່ຽວຍັງສາມາດຊື້ສິນຄ້າທີ່ຜະລິດຢູ່ພາຍໃນທ້ອງຖິ່ນເຊັ່ນ ກະຕ່າເຂົ້າໜຽວທີ່ຜະລິດຈາກເສັ້ນໄຍຝ້າຍ ພ້ອມທັງເຄື່ອງນຸ່ງ ແລະ ເຄື່ອງໃຊ້ອື່ນໆທີ່ເຮັດຈາກຝ້າຍຍ້ອມສີທຳມະຊາດ.

ທົ່ວແຂວງມີສະຖານທີ່ທ່ອງທ່ຽວທີ່ຖືກກຳນົດຂື້ນຢ່າງເປັນທາງການ 198 ແຫ່ງ ໃນນັ້ນມີ 139 ແຫ່ງທີ່ຂຶ້ນກັບທຳມະຊາດ 30 ແຫ່ງທີ່ມີຄວາມສົນໃຈທາງດ້ານວັດທະນະທຳ ແລະ 29 ມີສະມາຄົມປະຫວັດສາດ ພະແນກຖະແຫຼງຂ່າວ ວັດທະນະທຳ ແລະ ທ່ອງ ທ່ຽວແຂວງຄຳມ່ວນ ລາຍງານວ່າປີກາຍນີ້ມີປະຊາຊົນຫຼາຍກ່ວາ 400.000 ຄົນໄປຢ້ຽມຢາມແຂວງ.

 

 

ຮຽບຮຽງບົດໂດຍ: ພຸດສະດີ ລາວລີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.