ຄາຣສເບີກເປີດໂຕແກ້ວເບຍໃໝ່ທີ່ເຮັດດ້ວຍເຈ້ຍເທື່ອທໍາອິດຂອງໂລກ

0
33

ອີງຕາມການນຳສະເໜີຂອງເວັບໄຊ laoyouth-radio.com ທີ່ໄດ້ລາຍງານເມື່ອວັນທີ 27 ຕຸລາທີ່ຜ່ານມາວ່າ: ບໍລິສັດ ຄາຣສະເບີກ (Carlsberg) ຊຶ່ງເປັນບໍລິສັດຮ່ວມທຶນກັບບໍລິສັດເບຍລາວ (Beerlao) ໄດ້ນໍາສະເໜີຜົນການທົດລອງການຜະລິດແກ້ວເບຍ 2 ປະເພດ, ປະເພດທີ່ໜຶ່ງຜະລິດຈາກເຍື້ອໄມ້ນໍາໃຊ້ວັດສະດຸທີ່ຍ່ອຍສະຫຼາຍເອງໄດ້ຕາມທໍາມະຊາດ 100% ແລະ ປະເພດທີ່ສອງຜະລິດຈາກແຜ່ນຟິມໂພລິເມີຊີວະພາບຣີໄຊເຄິລ.

ຄາຣສະເບີກ, ກາຍເປັນບໍລິສັດເບຍແຫ່ງທໍາອິດຂອງໂລກທີ່ນໍາໃຊ້ວັດສະດຸເຈ້ຍໃນການຜະລິດແກ້ວເບຍ ຊຶ່ງມັນໄດ້ສ້າງຄວາມແປກ ແຕກຕ່າງໃຫ້ແກ່ວົງການເບຍໄດ້ເປັນຢ່າງດີ. ທັງນີ້ ບໍລິສັດຄາຣສະເບີກຍັງໄດ້ຮ່ວມມືກັບຫຼາຍບໍລິສັດຊື່ດັ່ງເຊັ່ນ: ບໍລິສັດ ໂຄຄາໂຄລາ (Coca Cola), ບໍລິສັດຜະລິດເຫຼົ້າໂວກ້າ (Absolut) ແລະ ບໍລິສັດຜະລິດເຄື່ອງສໍາອາງລໍຣິອອລ (L’Oreal) ໂດຍມີຈຸດ ປະສົງເພື່ອພັດທະນາທາງເລືອກໃຫ້ກັບຜະລິດສິ່ງຫຸ້ມຫໍ່ທີ່ມີຄວາມຍືນຍົງ, ມີຄຸນນະພາບສູງ ແຕ່ສາມາດຫຼຸດຜ່ອນຜົນກະທົບທີ່ຈະມີຕໍ່ສະພາບແວດລ້ອມ.

ບໍລິສັດຄາຣສະເບີກຍາມໃດກໍ່ບໍ່ຢຸດຢັ້ງໃນການພັດທະນາ ແລະ ເຟັ້ນຫາສິ່ງທີ່ດີຂຶ້ນກ່ວາເກົ່າ, ໂດຍການສຸມໃສ່ພັດທະນານະວັດຕະກໍາພາຊະນະບັນຈຸແບບຍືນຍົງ ແລະ ສິ່ງນີ້ບໍ່ແມ່ນເລື້ອງແປກໃໝ່ຂອງບໍລິສັດແຕ່ຢ່າງໃດ, ເຫັນໄດ້ຈາກເມື່ອປີ 2018 ທາງບໍລິສັດ ຄາຣສະເບີກໄດ້ປ່ອຍນະວັດຕະກໍາພາຊະນະບັນຈຸຫຼາຍຊະນິດອອກສູ່ສັງຄົມ, ເປັນຕົ້ນແມ່ນແຜ່ນຟິມຣີໄຊເຄິລທີ່ສາມາດຫົດ-ຢືດໄດ້ (Shrink film), ສະຫຼາກສິນຄ້າທີ່ໃຊ້ນໍ້າໝຶກຊຶ່ງເປັນມິດກັບສິ່ງແວດລ້ອມຫຼາຍຂຶ້ນ (Greener Label Ink) ແລະ ນະວັດຕະກໍາການບັນຈຸກະປ໋ອງເບຍແບບ “Snap pack” ທີ່ໃຊ້ກາວແທນການຫຸ້ມຫໍກະປ໋ອງເບຍ 6 ກະປ໋ອງດ້ວຍຖົງຢາງພລາສຕິກ ເຫຼົ່ານີ້ເປັນຕົ້ນ.

ສິ່ງຕ່າງໆທີ່ກ່າວມານີ້ ຖືເປັນຄວາມພະຍາຍາມຢ່າງຕໍ່ເນື່ອງຂອງບໍລິສັດຄາຣສະເບີກ, ເພື່ອພັດທະນານະວັດຕະກໍາທີ່ສົ່ງຜົນຕໍ່ການປ່ຽນແປງໃນທາງທີ່ດີ ແລະ ຍືນຍົງໃຫ້ກັບສັງຄົມ ພ້ອມກັນນັ້ນ, ຍັງເປັນການຕອບສະໜອງຈຸດປະສົງຂອງຄາຣສະເບີກໃນການຊ່ວຍຫຼຸດຜ່ອນປະລິມານອາຍກາກບອນອອກສູ່ຊັ້ນບັນຍາກາດໃຫ້ຫຼຸດລົງ 30% ພາຍໃນປີ 2030 ຕາມນະໂຍບາຍ Together Towards Zero ຂອງບໍລິສັດ ຫຼື ການກ້າວໄປສູ່ສັງຄົມທີ່ປາດສະຈາກສິ່ງເສດເຫຼືອຢ່າງແທ້ຈິງ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: www.laoyouth-radio.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.