ຄັ້ງແລກ… ຈີນແຊງໜ້າອາເມຣິກາ, ມີສຳນັກງານການທູດເພີ່ມຂຶ້ນທົ່ວໂລກ

0
1726

ສຳນັກຂ່າວເອເອຟພີລາຍງານເມື່ອວັນທີ 27 ພະຈິກຜ່ານມາວ່າ: ຈີນມີສຳນັກງານການທູດທົ່ວໂລກເພີ່ມຂຶ້ນແຊງໜ້າອາເມຣິກາເປັນຄັ້ງທຳອິດ, ໂດຍອ້າງຈາກຜົນການສຶກສາທີ່ເຜີຍແຜ່ຊຶ່ງເປັນຫຼັກຖານຫຼ້າສຸດໃນຄວາມພະຍາຍາມຂອງລັດຖະບານປັກກິ່ງ.

ສະຖາບັນ ຂອງອົສຕຣາລີລາຍງານວ່າ: ການຂະຫຍາຍເຄືອຂ່າຍທາງການທູດຢ່າງຕໍ່ເນື່ອງຂອງຈີນຍັງຄົງດຳເນີນຕໍ່ໄປເລື້ອຍໆໃນປີ 2019, ສ່ວນໃຫຍ່ມາຈາກການເປີດສຳນັກງານການທູດໃນປະເທດທີ່ເຄີຍໃຫ້ການຮັບຮອງໄຕ້ຫວັນ. ດ້ວຍຈຳນວນສຳນັກງານການທູດ 276 ແຫ່ງທົ່ວໂລກ ຊຶ່ງຖືເປັນຄັ້ງທຳອິດທີ່ຈີນຂຶ້ນມາແຊງໜ້າອາເມຣິກາ, ຄະນະຜູ້ຈັດເຮັດດັດຊະນີການທູດທົ່ວໂລກ (Global Diplomacy Index) ກ່າວ.

ຜົນການສຳຫຼວດດັ່ງກ່າວອາດກາຍເປັນຈຸດເລີ່ມຕົ້ນການປ່ຽນແປງທາງດ້ານພູມີສາດ, ໂດຍສະຖາບັນລະບຸອີກວ່າ: ການູດຂອງອາເມຣິກາເຂົ້າສູ່ຊ່ວງຂາລົງ, ເນື່ອງຈາກການຕັດງົບປະມານຂອງປະທານາທິບໍດີ ໂດນັລ ທຣັມ ແລະ ບັນຫາຕ່າງໆທີ່ຈ່ອງດຶງນັກການທູດມືອາຊີບເອົາໄວ້. ອາເມຣິກາບໍ່ໄດ້ເປີດສຳນັກງານທາງການທູດໃໝ່ເລີຍ ແລະ ຈຳເປັນຕ້ອງປິດສະຖານກົງສຸນໃນເຊັນປີເຕີຣເບີກທ່າມກາງການຂັບໄລ່ນັກການທູດລະຫວ່າງປະເທດ, ພາຍຫຼັງເຫດວາງຢາພິດອະດີດສາຍລັບຣັດເຊຍ (ເຊຍເກ ສະກຣິ ປັລ) ໃນອັງກິດ.

ຢ່າງໃດກໍຕາມ ອາເມຣິກາຍັງຄົງເປັນປະເທດທີ່ມີສະຖານທູດ ຫຼື ສະຖານກົງສຸງຕັ້ງຢູ່ຫຼາຍທີ່ສຸດ, ໂດຍ 61 ປະເທດທີ່ມີສຳນັກງານທາງການທູດໃນອາເມຣິກາທັງໝົດ 324 ແຫ່ງ, ທຽບກັບສຳນັກງານການທູດຕ່າງຊາດ 256 ແຫ່ງໃນ ສປ ຈີນ. ຂະນະດຽວກັນ ລັດຖະບານປັກກິ່ງຍັງຄົງເພີ່ມສາຍພົວພັນດ້ານການທູດກັບຫຼາຍປະເທດດ້ວຍການເປີດສຳນັກງານການທູດແຫ່ງໃໝ່ໃນບູຣກິນາຟາໂຊ, ສາທາລະນະລັດໂດມິນິກັນ, ເອລຊັລວາດໍຣ, ແກມເບຍ ແລະ ເຊົາຕູເມ ແລະ ປຣິນຊິປີ ທັງໝົດເປັນອະດີດພັນທະມິດ ການທູດຂອງໄທເປ.

 

ຮຽບຮຽງ: ເພັງສະຫວັນ

ຮູບພາບ: mgronline

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.