ຄະນະພັກ-ຄະນະນຳ ກະຊວງ ຖວທ ພົບປະແລກປ່ຽນບົດຮຽນຮ່ວມກັບພະນັກບຳນານ ກະຊວງ ຖວທ

0
673

ໃນວັນທ່ີ 29 ພະຈິກ 2019 ຄະນະພັກ-ຄະນະນຳ ກະຊວງ ຖວທ ໄດ້ພົບປະແລກປ່ຽນບົດຮຽນກັບ ພະນັກບຳນານ ກະຊວງຖະ ແຫຼງຂ່າວວັດທະນະທຳ ແລະ ທ່ອງທ່ຽວ, ໂດຍການເປັນປະທານຂອງ ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ, ເລຂາຄະນະພັກ, ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.

ໃນການພົບປະຄັ້ງນີ້, ບັນດາພະນັກງານອາວຸໂສບຳນານໄດ້ມີຄຳເຫັນ, ຄຳສະເໜີ ແລະ ຄຳແນະນຳ ໃຫ້ກະຊວງ ຖວທ ສືບຕໍ່ປັບ ປຸງ, ແກ້ໄຂໃນຫຼາຍໜ້າວຽກ, ຫຼາຍບັນຫາ, ຫຼາຍຂົງເຂດວຽກງານທີ່ເຫັນວ່າຍັງບໍ່ສອດຄອງ, ຮັດກຸມ ເປັນຕົ້ນວຽກງານກົງຈັກການຈັດຕັ້ງ, ບຸກຄະລາກອນ, ແບບແຜນວິທີເຮັດວຽກ ແລະ ກົນໄກການປະສານງານຕ່າງໆ, ພ້ອມທັງສະເໜີໃຫ້ປັບປຸງນະໂຍ ບາຍ, ການແກ້ໄຂວຽກງານຕ່າງໆທີ່ພົວພັນເຖິງພະນັກງານບຳນານຂອງກະຊວງ ເປັນຕົ້ນໃຫ້ຍົກສູງນະໂຍບາຍຕໍ່ພະນັກງານບຳ ນານໃຫ້ຫຼາຍຂຶ້ນ. ພ້ອມນັ້ນ ຍັງສະເໜີໃຫ້ແກ້ໄຂບາງບັນຫາທີ່ມີຫາງສຽງຂອງສັງຄົມຕໍ່ວຽກງານ ຖວທ ແລະ ບັນຫາອື່ນໆ.

ໂອກາດດັ່ງກ່າວ, ທ່ານ ກິແກ້ວ ໄດ້ສະເໜີໃຫ້ບັນດາພະນັກງານອາວຸໂສບຳນານສຸມໃສ່, ມີຄຳເຫັນກ່ຽວກັບສະພາບລວມຂອງບ້ານ ເມືອງໃນປັດຈຸບັນ ເປັນຕົ້ນບັນຫາທີ່ເປັນຫາງສຽງສັງຄົມຕໍ່ກັບພັກ-ລັດ ແລະ ກະຊວງ ຖວທ ຢ່າງມີຈຸດສຸມ, ພ້ອມສະແດງຄວາມຂອບໃຈຕໍ່ພະນັກງານອາວຸໂສບຳນານທີ່ໄດ້ມີຄຳເຫັນ ແລະ ສະເໜີໃຫ້ກະຊວງປັບປຸງແກ້ໄຂໃນຫລາຍບັນຫາ ຊຶ່ງເປັນນິມິດໝາຍອັນດີ, ເປັນທິດເຍືອງທາງໃຫ້ແກ່ຄະນະພັກ, ຄະນະນຳກະຊວງ ຖວທ ໃນການຊີ້ນຳ-ນຳພາການປະຕິບັດໜ້າທີ່ວຽກງານພາຍໃນກະ ຊວງໃຫ້ມີປະສິດທິພາບ, ປະສິດທິຜົນ ແລະ ເປັນຮູບປະທຳ.

ພ້ອມຢືນຢັນວ່າຈະນຳເອົາຄຳຄິດຄຳເຫັນຂອງບັນດາພະນັກງານບຳນານໄປຄົ້ນຄວ້າ, ປຶກສາສາຫາລື ກ້າວໄປເຖິງການປັບປຸງແກ້ໄຂວຽກງານຕ່າງໆພາຍໃນກະຊວງ ຖວທ ໃຫ້ຖືກຕ້ອງ, ຮັດກຸມ ແລະ ສອດຄ່ອງຕາມແນວທາງນະໂຍບາຍຂອງພັກ-ລັດ ວາງອອກ ແລະ ໃຫ້ໄດ້ຮັບການພັດທະນາ, ເຂັ້ມແຂງຂຶ້ນໄປເລື້ອຍໆໃນອະນາຄົດ ແລະ ຍາວນານ.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.