ຄວາມໝາຍຄວາມສຳຄັນຂອງວັນຊາດ 2 ທັນວາ ຄົບຮອບ 44 ປີ

0
310

ວັນຊາດແມ່ນວັນທີ່ກຳໜົດເປັນວາລະສະເຫຼີມສະຫຼອງຄວາມເປັນຊາດຂອງປະເທດນັ້ນໆ ໂດຍສ່ວນຫຼາຍແມ່ນຈະຖືເປັນວັນພັກທາງລັດຖະການນຳ, ວັນຊາດສ່ວນໃຫຍ່ຈະເປັນວັນກໍ່ຕັ້ງລັດ, ເປັນວັນສະຖາປະນາປະເທດ ຫຼື ວັນທີ່ມີເອກະລາດໃນລັດ ຫຼື ໄດ້ຮັບເອກະລາດຄືນຈາກຜູ້ຢຶດຄອງ ນອກຈາກນີ້, ຍັງອາດແມ່ນວັນທີ່ມີຄວາມສຳຄັນໃນປະຫວັດສາດ ຫຼື ສາສະໜາ, ເປັນວັນຊາດກໍໄດ້ ບາງລັດກໍຖືເອົາວັນເກີດຂອງປະມຸກລັດເປັນວັນຊາດ ໂດຍສະເພາະແມ່ນລະບົບກະສັດເປັນປະມຸກໃນກໍລະນີປ່ຽນປະມຸກວັນຊາດກໍປ່ຽນນຳ.

ປະເທດສ່ວນໃຫຍ່ແມ່ນຈະມີວັນຊາດພຽງວັນດຽວໃນໜຶ່ງປີ ແຕ່ບາງປະເທດເຊັ່ນ,: ປາກິສຖານ ມີວັນຊາດຫຼາຍກວ່າໜຶ່ງວັນ, ນອກຈາກນີ້ ເຂດບໍລິຫານພິເສດຂອງ ສປ ຈີນ ເຊັ່ນ: ຮົງກົງ ແລະ ມາເກົາ ຈະສະຫຼອງວັນທີ່ກໍ່ຕັ້ງເຂດບໍລິຫານພິເສດ ແລະສະຫຼອງໃນວັນຊາດຈີນນຳ.

ຄວາມສຳຄັນຂອງວັນຊາດແຕ່ລະປະເທດນັ້ນຍ່ອມແຕກຕ່າງກັນໄປ, ບາງປະເທດກໍເຫັນວ່າມີຄວາມສຳຄັນຫຼາຍ, ສ່ວນບາງປະ ເທດກໍບໍ່ເນັ້ນຄວາມສຳຄັນປານໃດເຊັ່ນ: ຈີນ, ຫວຽດນາມ, ອາເມຣິກາ ແລະ ຝຣັ່ງ ຈະມີການສະເຫຼີມສະຫຼອງຢ່າງຍິ່ງໃຫຍ່ ສ່ວນອັງກິດແມ່ນບໍ່ໄດ້ສະເຫຼີມສະຫຼອງຢ່າງຍິ່ງໃຫຍ່ແຕ່ຢ່າງໃດ, ນອກຈາກນີ້ ວັນຊາດໃນບາງປະເທດອາດປ່ຽນໄດ້ຕາມເຫດການສຳຄັນ.

ສຳຫຼັບປະເທດລາວເຮົາແມ່ນຖືເອົາວັນທີ 2 ທັນວາ ປີ ຄ.ສ 1975 ເປັນວັນສະຖາປະນາປະເທດ ຫຼື ວັນຊາດ ເພາະເປັນປີທີ່ຍາດ ໄດ້ເອກະລາດ ແລະ ປົດແອກອອກຈາກຈັກກະພັດລ່າເມືອງຂຶ້ນນັ້ນກໍຄື: ອາເມຣິກາມາໄດ້.

 

ຮຽບຮຽງບົດ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.