ຄວາມແຕກຕ່າງລະຫວ່າງໄຂ້ເລືອດອອກກັບໄຂ້ຫວັດໃຫຍ່

0
123

ໄຂ້ຫວັດໃຫຍ່ກັບໄຂ້ເລືອດອອກຈະມີອາການຄ້າຍໆກັນຄື ປວດຫົວ ຕົວຮ້ອນ ມີໄຂ້ສູງ ອ່ອນເພຍ ແຕ່ໄຂ້ເລືອດອອກຈະບໍ່ມີອາການເຈັບຄໍ ຄັດດັງ ນໍ້າມູກໄຫຼຄືກັບໄຂ້ຫວັດໃຫຍ່ ແຕ່ຈະມີໄຂ້ສູງຮ່ວມກັບອາການປວດທ້ອງ ຮາກ ນອກຈາກນີ້ ກໍຍັງສາມາດຈຳແນກຄວາມແຕກຕ່າງຂອງພະຍາດດັ່ງກ່າວໄດ້ດັ່ງນີ້.

ໄຂ້ເລືອດອອກຈະມີຢູ່ 4 ສາຍພັນ ຊຶ່ງສາມາດເກີດຂຶ້ນໄດ້ຕະຫຼອດປີ ແຕ່ຈະມີຄົນເປັນໄຂ້ເລືອດອອກຫຼາຍແມ່ນຊ່ວງໄລຍະລະດູຝົນ ເປັນພະຍາດທີ່ສາມາດຕິດຕໍ່ຈາກຄົນສູ່ຄົນໄດ້ໂດຍມີຍຸງລາຍເປັນພາຫະນະ ແລະ ຈະມີໄລຍະເປັນໄຂ້ 3-8 ວັນ ໄວສຸດ 3 ວັນ ຊ້າສຸດ 15 ວັນ ຄົນທີ່ເປັນໄຂ້ເລືອດອອກຈະຕົວຮ້ອນ ແລະ ມີໄຂ້ສູງເຖິງ 38,5 ອົງສາຕິດຕໍ່ກັນຫຼາຍມື້ ຈະບໍ່ມີນໍ້າມູກໄຫຼ ແຕ່ຈະເບື່ອອາ ຫານ ​ຮາກ ​ມີເລືອດອອກຕາມຜິວໜັງ ມີຈຸດເລືອດນ້ອຍໆກະຈາຍຕາມແຂນ ຂາ ຕົນຕົວ ແລະ ບ່ອນອື່ນໆທົ່ວຮ່າງກາຍ ອາດມີເລືອດດັງອອກ ຫຼື ເລືອດອອກຕາມເຟັນແຂ້ວ ຖ່າຍໜັກເປັນສີດຳ ຖ້າຮ້າຍແຮງກໍອາດມີພາວະຊ໊ອກເນື່ອງຈາກລະບົບໄຫຼວຽນເລືອດຫຼົ້ມເຫຼວ.

ສ່ວນໄຂ້ຫວັດໃຫຍ່ຈະມີສາຍພັນ A ແລະ B ສາມາດເກີດຂຶ້ນໄດ້ຕະຫຼອດປີເຊັ່ນກັນ ແຕ່ຈະພົບຜູ້ປ່ວຍໄຂ່ນີ້ຫຼາຍໃນລະດູຝົນ ແລະ ລະດູໜາວ ເປັນໄຂ້ທີ່ສາມາດຕິດຕໍ່ກັນໄດ້ຈາກການສຳຜັດໂດຍກົງຈາກຜູ້ປ່ວຍບໍ່ວ່າຈະເປັນນໍ້າລາຍ ນໍ້າມູກ ລະອອງຈາກການໄອ-ຈາມຂອງຜູ້ປ່ວຍ ໂດຍສະເລ່ຍແລ້ວຄົນທີ່ເປັນໄຂ້ຊະນິດນີ້ຈະມີອາການຢູ່ 1-4 ວັນແລ້ວອາການກໍຈະດີຂຶ້ນ ຄົນທີ່ເປັນໄຂ້ຫວັດໃຫຍ່ຈະມີໄຂ້ສູງກະທັນຫັນ ມີອາການຕັນດັງ ເຈັບຄໍ ໄອ ມີນໍ້າມູກ ປວດເມື່ອຍກ້າມຊີ້ນ ປວດຫົວ ແລະ ປວດເບົ້າຕາ ໜາວສັ່ນ ຮູ້ສຶກເມື່ອຍງ່າຍ ອ່ອນເພຍ ເບື່ອອາຫານ ຂົມປາກ ວິນຫົວ ປວດຮາກ ຈຸກແໜ້ນທ້ອງ ລວມເຖິງອາການຖອກທ້ອງ.

 

 

ຮຽບຮຽງບົດ: ບຸດສະດີ ສາຍນໍ້າມັດ

ແຫຼ່ງຂໍ້ມູນ: health.kapook.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.