ຄວນຫຼີກລ້ຽງຖະໜົນ 7 ສາຍຫຼັກທີ່ອາດຈະແອອັດໃນຊ່ວງງານບຸນພຣະທາດຫຼວງ

0
360

ອີງຕາມການລາຍງານຂອງໜັງສືພິມປ້ອງກັນຄວາມສະຫງົບສະບັບວັນທີ 6 ພະຈິກ 2019 ໃຫ້ຮູ້ວ່າ: ໃນຊ່ວງບຸນນະມັດສະການພຣະທາດຫຼວງຈະຖະໜົນ 7 ສາຍທີ່ຈະແອອັດເນື່ອງຈາກມີຜູ້ຄົນຈາກທົ່ວສາລະທິດເດີນທາງມາທ່ຽວງານບຸນ.

ເຈົ້າໜ້າທີ່ພະແນກຕຳຫຼວດຈາລະຈອນ ປກສ ນະຄອນຫຼວງວຽງຈັນໄດ້ຄາດການກ່ຽວກັບສະພາບການສັນຈອນອາດຈະເກີດຂຶ້ນໃນງານບຸນພຣະທາດຫຼວງວ່າຈະມີຄວາມແອອັດ, ສັບສົນຢູ່ຖະໜົນບາງສາຍເຊັ່ນ: ຖະໜົນໄກສອນພົມວິຫານ, ຖະໜົນໂພໄຊ, ຖະ ໜົນ 23ສິງຫາ, ຖະໜົນໜອງບອນ, ຖະໜົນເຕສີ່ ແລະ ຖະໜົນກຳແພງເມືອງ.

ທ່ານ ພັທ ເພງສະຫວັນ ທຳມາບູນ ຫົວໜ້າພະແນກຕຳຫຼວດຈາລະຈອນກ່າວວ່າ: ຖະໜົນທີ່ກ່າວມານັ້ນອາດເຮັດໃຫ້ການສັນ ຈອນແອອັດ ແລະ ສັບສົນ ເພາະອາດຈະມີຜູ້ປະກອບການຕັ້ງຄອກຝາກລົດ ແລະ ຮ້ານຄ້າ, ຄຽຄູ່ກັນນີ້ຜູ້ໃຊ້ລົດໃຊ້ຖະໜົນຈະມີ ການລ່ວງລະເມີດລະບຽບການສັນຈອນເກີດຂຶ້ນຢ່າງຫຼວງຫຼາຍຍ້ອນສະຖານທີ່ຈອດລົດບໍ່ພຽງພໍ, ນັກຂັບຂີ່ອາດຈອດຊະຊາຍ, ສ້າງຄວາມສັບສົນ ແລະ ແອອັດໃນການສັນຈອນຊຶ່ງອາດກໍ່ໃຫ້ເກີດອຸບັດເຫດເກີດຂຶ້ນ. ທັງນີ້ ເພື່ອເຮັດໃຫ້ສະພາຍການສັນຈອນພາຍ ໃນງານມີຄວາມເປັນລະບຽບຮຽບຮ້ອຍ ແລະ ມີຄວາມສະດວກຄ່ອງຕົວ, ເຈົ້າໜ້າທີ່ພະແນກຕຳຫຼວດຈາລະຈອນໄດ້ສົມທົບກັບບັນ ດາກອງຈາລະຈອນເມືອງວາງກຳລັງປ້ອງກັນວົງໃນ ແລະ ວົງນອກຈຳນວນ 350 ຄົນໃນ 80 ຈຸດ ແລະ ບັນດາປ້ອມຕ່າງໆເພື່ອຕິດຕາມສະພາບການໃຊ້ລົດໃຊ້ຖະໜົນໃຫ້ມີຄວາມເປັນລະບຽບຮຽບຮ້ອຍ ແລະ ຄວາມປອດໄພ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: www.lsecuritynews.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.