ກຽມຮັບມືກັບພະຍຸ “ນາກຣີ” ໃນໄລຍະວັນທີ 8-10 ພະຈິກ 2019 ນີ້

0
557

ແຈ້ງເຕືອນພະຍຸນາກຣີໃນໄລຍະວັນທີ 8-10 ພະຈິກ 2019 ສະບັບທີ 1​, ລົງວັນທີ 7 ພະຈິກ 2019 ເນື່ອງຈາກວ່າພະຍຸນາກຣີຫົວທີ 24 ປະຈຳປີ 2019, ຊຶ່ງເວລາ 11 ໂມງຂອງວັນທີ 7 ພະຈິກ 2019 ກຳລັງເຄື່ອນທີ່ຢູ່ທະເລຈີນໃຕ້, ​ມີຈຸດສູນກາງຢູ່ເສັ້ນຂະໜານທີ 13,4 ອົງສາເໜືອ ແລະ ເສັນແວງທີ 117,1 ອົງສາຕາເວັນອອກ, ຄາດວ່າພະຍຸຫົວນີ້ຈະເຄື່ອນທີ່ຜ່ານພາກກາງຕອນໃຕ້ອຂອງຫວຽດນາມໃນໄລຍະວັນທີ 8-10 ພະຈິກ 2019 ວົງລັດສະໝີຈະກວມເອົາບັນດາແຂວງພາກກາງຫາໃຕ້ຂອງປະ ເທດລາວ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຂວງຄຳມ່ວນ, ສະຫວນັນະເຂດ, ສາລະວັນ, ຈຳປາສັກ,​ ເຊກອງ ແລະ ອັດຕະປື.

ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງ ແລະ ປະຊາຊົນບັນດາເຜົ່າທີ່ອາໃສຢູ່ບັນດາແຂວງດັ່ງກ່າວໃຫ້ມີສະຕິລະມັດລະວັງຕໍ່ສະພາບຝົນຕົກຟ້າຮ້ອງ ແລະ ລົມພັດແຮງທີ່ອາດຈະເກີດຂຶ້ນ, ຂໍໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1-3ວັນຕໍ່ໜ້ານີ້.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.