ກີລາເປຕັງທີມຊາດລາວສ້າງຊື່ສຽງ, ຄວ້າຮອງແຊັມໂລກ 3 ລາຍການມາຄອງ

0
4278

ເມື່ອວັນທີ 23 ພະຈິກທີ່ຜ່ານມາ ຫ້ອງການສະຫະພັນກິລາເປຕັງແຫ່ງຊາດລາວ ໄດ້ລາຍງານໃຫ້ຮູ້ວ່າ: ນັກກີລາເປຕັງທີມຊາດລາວ ໄດ້ສ້າງຜົນງານໂດດເດັ່ນດ້ວຍການໄປຄວ້າເອົາລາງວັນຮອງແຊ້ມໂລກ (ອັນດັບ 2) ໄດ້ເຖິງ 3 ລາຍການ, ​ໃນການແຂ່ງຂັນກີລາເປຕັງຊິງແຊ້ມໂລກຄັ້ງທີ 17 ທີ່ປະເທດກຳປູເຈຍ, ລາຍງານດັ່ງກ່າວຈັດຂຶ້ນລະຫວ່າງວັນທີ 18-24 ພະຈິກ 2019. ຊຶ່ງມີນັກກີລາເປຕັງຈາກທົ່ວໂລກເຂົ້າຮ່ວມແຂ່ງຂັນທັງໝົດ 48 ປະເທດ.

ໂດຍນັກກີລາເປຕັງທີມຊາດລາວໄດ້ເດີນທາງໄປເຂົ້າຮ່ວມການແຂ່ງຂນໃນຄັ້ງນີ້ ພາຍໃຕ້ການນຳພາຂອງ ທ່ານ ວິລະວັດ ເທບພິ ທັກ (ຫົວໜ້າຄະນະ), ທ່ານ ວຽງທາ ເຂັມວົງສາ (ຄູຝຶກ) ແລະ ທ່ານ ໂຊກໄຊ ວິນລທອງ (ຄູຝຶກ).

ນັກກີລາເປຕັງທີມຊາດລາວປະກອບມີ  8 ຄົນຄື: ນາງ ມະນີວັນ ສຸລິຍາ, ນາງ ຈັນສະມອນ ວົງສະຫວັດ, ນາງ ຄູນ ສຸກສະຫວັດ, ນາງ ໄບວິລັກ ເທບພະນັກ. ທ້າວ ພິມພອນ ວັນນະຈອນ, ທ້າວ ປີ່ໂນ່ ພັນທະລີ, ທ້າວ ສີສົມພອນ ວັນນະຈອນ ແລະ ທ້າວ ສຸທາພອນ ຫອມສົມບັດ.

ສຳລັບຜົນການແຂ່ງຂັນປາກົດວ່າ: ນັກກີລາເປຕັງທີມຊາດລາວສາມາດຍາດລາງວັນຮອງຊະນະເລີດມາໄດ້ 3 ລາຍການຄື:

1.​ ຮອງແຊັມໂລກ (ອັນດັບ 2) ປະເພດຊຸດຕີຍິງ ກຳປູເຈຍ ຊະນະ ລາວ 36-26.

2. ຮອງແຊັມໂລກ (ອັນດັບ 2) ປະເພດທີມຊຸດເຍົາວະຊົນ ຝຣັ່ງ ຊະນ ລາວ 13-1

3. ຮອງແຊັມໂລກ (ອັນດັບ 2) ປະເພດທີມຊຸດຍິງ ໄທ ຊະນະ ລາວ 13-4

ການແຂ່ງຂັນກິລາເປຕັງຊີງແຊ້ມໂລກຄັ້ງຕໍ່ໄປຊຶ່ງຈະຈັດຂຶ້ນໃນປີ 2021 ຊຶ່ງປະເທດໄທສະເໜີຊື່ເປັນເຈົ້າພາບຈັດການແຂ່ງຂັນ

 

 

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: www.khaosod.co.th, ຫ້ອງການ ສະຫະພັນກິລາເປຕັງ ແຫ່ງຊາດລາວ, ໜັງສືພິມເສດຖະກິດ-ການຄ້າ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.