ກິດຈະກຳການຫຼຸດຜ່ອນການນໍາໃຊ້ພລາສຕິກຢູ່ພາກໃຕ້ຂອງ ສປປ ລາວ

0
215

ກິດຈະກຳການຫຼຸດຜ່ອນການນໍາໃຊ້ພລາສຕິກ ຫຼື ”Refill not Landfill” ເພື່ອຫວັງທີ່ຈະແກ້ໄຂບັນຫາການນໍາໃຊ້ຕຸກນໍ້າດື່ມ  ພລາສຕິກທີ່ໃຊ້ໄດ້ຄັ້ງດຽວແທນການນຳໃຊ້ຕຸກນ້ຳດື່ມທີ່ສາມາດນຳໃຊ້ໄດ້ຫຼາຍຄັ້ງ ຊຶ່ງໄດ້ມີການຄາດຄະເນວ່າ ຕຸກນ້ຳພລາສຕິກສ່ວນຫຼາຍແມ່ນມາຈາກນັກທ່ອງທ່ຽວທີ່ເດີນທາງເຂົ້າມາທ່ຽວໃນ ສປປ ລາວ ຊຶ່ງມີຈຳນວນກວ່າ 100 ລ້ານຕຸກໃນແຕ່ລະປີ ໂດຍສ່ວນໃຫຍ່ຂີ້ເຫຍື້ອເຫຼົ່ານັ້ນແມ່ນບໍ່ໄດ້ຮັບການນຳກັບມາໃຊ້ໃໝ່ ແລະ ຄົນສ່ວນຫຼາຍກໍນຳໃຊ້ວິທີການເຜົາເນື່ອງຈາກເຂົາເຈົ້າຍັງຂາດລະບົບການຈັດການກັບຂີ້ເຫຍື້ອທີ່ຖືກຕ້ອງ.

ບັນຫາເຫຼົ່ານີ້ໄດ້ກໍ່ໃຫ້ເກີດຜົນກະທົບບໍ່ສະເພາະແຕ່ກັບສີ່ງແວດລ້ອມເທົ່ານັ້ນ ແຕ່ຍັງລວມເຖີງສຸຂະພາບຂອງມະນຸດ ທີ່ຜ່ານມາກໍໄດ້ມີຫຼາຍໆພາກສ່ວນພະຍາຍາມຊ່ວຍກັນແກ້ໄຂບັນຫານີ້ ດ້ວຍການຫຼຸດຜ່ອນການນໍາໃຊ້ພລາສຕິກທີ່ໃຊ້ໄດ້ຄັ້ງດຽວ ແລະ ໃຫ້ຄຳ ນືງເຖີງບັນຫາພລາສຕິກທີ່ເກີດຂື້ນພາຍໃນປະເທດ ໂດຍສະເພາະຢູ່ພາກໃຕ້ຂອງປະເທດລາວຄື ຈຳປາສັກ ສາລະວັນ ເຊກອງ ແລະ ອັດຕະປື ແມ່ນເຮົາສາມາດເຫັນໄດ້ເຖີງຈຳນວນນັກທ່ອງທ່ຽວທີ່ເພີ່ມຂື້ນໃນປີ 2018 ທີ່ມີຫຼາຍກວ່າ 900.000 ແສນຄົນ “ນັກທ່ອງທ່ຽວແຕ່ລະຄົນດື່ມນ້ຳໂດຍສະເລ່ຍແລ້ວມື້ລະ 2 ລິດຕໍ່ວັນ ຊຶ່ງກໍ່​ໃຫ້​ເກີດ​ຂີ້​ເຫຍື້ອ​ຈາກ​ຕຸກ​ນ້ຳ​ດື່ມ​ພລາ​ສ​ຕິກປະ​ມານ 6 ລ້ານ ຕຸກ ລວມເປັນປະລິມານ 300 ມິລີລິດທີ່ມາຈາກນັກທ່ອງທ່ຽວພຽງຢ່າງດ່ຽວ” ທ່ານ ນາງ ມາລາ ຈັນທະລາມ ຮອງຜູ້ອຳນວຍການພະແນກຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ ກ່າວ.

ທ່ານ ນາງ ມາລາ ໄດ້ກ່າວອີກວ່າ  ກະຊວງແມ່ນໄດ້ເລັງເຫັນຄວາມສຳຄັນຂອງບັນຫາດັ່ງກ່າວຈື່ງຕັດສີນໃຈຈັດຕັ້ງຄະນະຮັບຜິດ ຊອບດ້ານການຕະຫຼາດເພື່ອຊຸກຍູ້ກິດຈະກຳ “Refill not Landfill” ຊຶ່ງກິດຈະກໍານີ້ໄດ້ຮັບການຈັດຕັ້ງມາເພື່ອຫຼຸດຜ່ອນການນໍາໃຊ້ໃຊ້ພລາສຕິກພາຍໃນພູມີພາກ ໂດຍສະເພາະສະພາບແວດລ້ອມໃນແຂວງຈຳປາສັກ ຊຶ່ງຖືເປັນເຂດເສດຖະກິດຂະໜາດໃຫຍ່ທີ່ສຸດໃນພາກໃຕ້ຂອງລາວ ນອກຈາກນີ້ ແຂວງຈຳປາສັກຍັງໄດ້ຖືກເລືອກໃຫ້ເປັນແຂວງຕົ້ນແບບໃນການນຳສະເໜີກິດຈະກຳນີ້ ໂດຍໄດ້ຮັບການສະໜັບສະໜູນຈາກພາກລັດ ແລະ ເອກະຊົນ ສະມາຄົມຮ້ານອາຫານ ແລະ ໂຮງແຮມ ແລະ ພາກສ່ວນກ່ຽວຂ້ອງພາຍໃນແຂວງ ພ້ອມທັ່ງສະມາຄົມຕົວແທນການທ່ອງທ່ຽວ ບັນດາລັດວິສາຫະກິດ ສາຍການບິນລາວ ແລະ ອື່ນໆຊຶ່ງໄດ້ເຂົ້າຮ່ວມໃນກິດຈະກຳດັ່ງກ່າວຢ່າງພ້ອມພຽງ.

ການໂຄສະນາ ແລະ ສົ່ງເສີມການນຳໃຊ້ຕຸກນ້ຳດື່ມທີ່ສາມາດນຳໃຊ້ໄດ້ຫຼາຍຄັ້ງແທນການນໍາໃຊ້ຕຸກນໍ້າດື່ມພລາສຕິກທີ່ໃຊ້ໄດ້ຄັ້ງດຽວຖືໄດ້ວ່າເປັນກຸ່ມບໍລິສັດທີ່ບໍ່ຫວັງຜົນກຳໄລ ຕັ້ງຢູ່ສຽມລຽບ ປະເທດ​ກຳປູເຈຍ ເຂົາເຈົ້າໄດ້ໃຫ້ບໍລິການບໍ່ວ່າຈະເປັນໃນດ້ານການສະໜອງຕຸກນໍ້າດື່ມ ສື່ສິ່ງພິມ ແລະ ບໍລິການຂົນສົ່ງ ຂະ​ຫຍາຍ​ການ​ໂຄ​ສະ​ນາ ແລະ ສົ່ງ​ເສີມໄປ​ຍັງອາ​ເມ​ລິ​ກາເໜືອ www.refillworld.com ນອກຈາກນີ້ ຊື່ທຸລະກິດຂອງທ່ານຈະຖືກບັນທຶກ​ໃນເຟສບຸ໊ກ ແລະ ເວັບໄ​ຊ​ຂອງ​ບໍ​ລິ​ສັດ www.refillasia.com ຊຶ່ງປັດຈຸບັນກຳປູເຈຍຍັງເປັນຜູ້ນໍາທາງດ້ານການຈັດຕັ້ງກິດຈະກໍາດັ່ງກ່າວ ລວມເຖິງປະເທດທີ່ມີກິດຈະ ກຳຄ້າຍຄືກັນ ໃນສ່ວນອື່ນໆຂອງອາຊີຕາເວັນອອກສ່ຽງໃຕ້ເຊັ່ນ ມຽນມາ ສສ ຫວຽດນາມ ໄທ ສີລັງກາ ມາລດີຟ ອາເມຣິກາ ນິວຊີ ແລນ ແລະ ອິນໂດເນເຊຍ.

ຂັ້ນຕອນການລິເລີ່ມໂຄງການແມ່ນເກີດຂື້ນໃນລະຫວ່າງເດືອນພະຈິກປີທີ່ຜ່ານມາຫາເດືອນເມສາປີນີ້ ແລະ ຜົນທີ່ໄດ້ຮັບກໍດີເກີນກວ່າທີ່ຄາດການໄວ້ ລັດວິສາຫະກິດຂະໜາດກາງ ແລະ ຂະໜາດຍ່ອຍ (SMEs) 27 ແຫ່ງທົ່ວພູມິພາກກໍໄດ້ເຂົ້າຮ່ວມໂຄງການນີ້ເພື່ອນຳສະເໜີການເຕີມນ້ຳ ແລະ ຂາຍຕຸກນ້ຳແບບອະລູມີນຽມທີ່ສາມາດໃຊ້ຊໍ້າໄດ້ໂດຍບໍ່ເປັນໄພຕໍ່ສີ່ງແວດລ້ອມ ນອກຈາກນີ້ ກໍຍັງມີອີກ 6 ໂຄງການທີ່ຖືກຈັດຕັ້ງຂື້ນເພື່ອເສີມສ້າງ ແລະ ສຸມໃສ່ກ່ຽວກັບບັນຫາຂີ້ເຫຍື້ອພລາສຕິກທີ່ເກີດຂື້ນຢູ່ໃນຕອນນີ້ ອັນໄດສົ່ງຜົນໃຫ້ມີການຈຳໜ່າຍຕຸກນ້ຳແບບອະລູມີນຽມທີ່ສາມາດໃຊ້ຊ້ຳໄດ້ເຖິງ 1.060 ຕຸກ ແລະ ການຫຼຸດລົງເຖິງ 211.095.300 ມິລີລິດຂອງປະລິມານຕຸກນ້ຳ.

ໃນມຸມຂອງຕົວເລກນັ້ນແມ່ນຖືວ່າເກີນເປົ້າໝາຍໃນເບື້ອງຕົ້ນທີ່ຕັ້ງໄວ້ ຊຶ່ງຈຸດປະສົງກໍເພື່ອດຶງຜູ້ປະກອບການ SMEs ທັ່ງ 20 ອົງກອນຜ່ານການປຸກລະດົມພຽງໜື່ງກິດຈະກໍາ ໂດຍການນຳເອົາຕຸກນ້ຳກັບມານຳໃຊ້ໃໝ່ ແລະ ຍັງສາມາດແຈກຍາຍໄດ້ຫຼາຍເຖິງ 600 ຕຸກ ຂະນະນີ້ທາງຄະນະຜູ້ຈັດງານໂຄງການກໍກຳລັງຫາທາງທີ່ຈະຊຸກຍູ້ໄປສູ່ຂັ້ນຕອນທີສອງທ່າມກາງແຜນການຂອງບໍລິສັດຊຶ່ງ ຫວັງວ່າຈະຂະຫຍາຍຈຸດໃຫ້ບໍລິການດ້ານການເຕີມນ້ຳ ແລະ ສະຖານທີ່ຊຶ່ງສາມາດນຳເອົາຕຸກນ້ຳກັບມາໃຊ້ຄືນໃໝ່ໄດ້ໃນແຂວງຈຳປາສັກ ເຊັ່ນດ່ຽວກັນກັບສາລະວັນ ເຊກອງ ແລະ ອັດຕະປື.

“ກິດຈະກໍາຫຼຸດຜ່ອນການນໍາໃຊ້ພລາສຕິກຖືເປັນໂຄງການທໍາອິດຂອງກະຊວງຖະແຫຼ່ງຂ່າວ ວັດທະນາທໍາ ແລະ ທ່ອງທ່ຽວໃນ ແຂວງຈຳປາສັກ” ພ້ອມນີ້ ທ່ານ ນາງ ມາລາ ກໍໄດ້ກ່າວປິດທ້າຍວ່າ “ຂ້າພະເຈົ້າຮູ້ສຶກດີໃຈຫຼາຍທີ່ໄດ້ມີການຈັດຕັ້ງກິດຈະກຳດີໆແບບນີ້ ນອກຈາກຈະເປັນການຫຼຸດຜ່ອນບັນຫາຂີ້ເຫຍື້ອແລ້ວຍັງສາມາດເຮັດໃຫ້ສະພາບແວດລ້ອມ ລວມເຖິງການເປັນຢູ່ຂອງປະຊາຊົນບັນດາເຜົ່າດີຂຶ້ນເປັນກ້າວໆອີກດ້ວຍ”.

 

ຂ່າວໂດຍ: ແທຈຸນ ກັງ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.