ການາດາຝຶກໝາເພື່ອຊ່ວຍເຫຼືອຄົນພິການ

0
25

ສຳນັກຂ່າວຊື່ດັງຂອງປະເທດການາດາລາຍງານເມື່ອວັນທີ 22 ສິງຫາຜ່ານມາວ່າ ບັນດາກຸ່ມຄົນຮັກໝາສາຍພັນພຸດເດິ້ລ ແລະ ໂກລເດັ້ນ ຣີທຣີຟເວີ ໄດ້ສ້າງຄວາມປະຫຼາດໃຈໃຫ້ບັນດານັກສະແດງ ແລະ ຜູ້ຮ່ວມງານເທສະການ Stratford Festival ຊຶ່ງເປັນງານປະຈຳປີທີ່ຈັດຂຶ້ນເປັນປະຈຳໃນແຄວ້ນອອນຕາຣິໂອຂອງການາດາ.

ຊຶ່ງບັນດາໝາເຫຼົ່ານີ້ມາຈາກສະຖາບັນ K-9 Country Inn Working Service Dog ຊຶ່ງເປັນສະຖາບັນທີ່ຝຶກຝົນໝາຕັ້ງ ແຕ່ຍັງນ້ອຍເພື່ອເປັນໝາຊ່ວຍເຫຼືອຄົນພິການ ຫຼື Service Dogs ໂດຍລູກໝາຈຳນວນ 12 ໂຕໄດ້ເຂົ້າຮ່ວມງານ ແລະ ໄດ້ຮັບຊົມການສະແດງລະຄອນເວທີເລື່ອງ “Billy Elliot” ຊຶ່ງເປັນສ່ວນໜຶ່ງຂອງການຝຶກລູກໝາໃຫ້ມີຄວາມຄຸ້ນເຄີຍກັບການຢູ່ໃນສະ ພາບແວດລ້ອມຕ່າງໆເມື່ອເວລາທີ່ພວກມັນເຮັດໜ້າທີ່ດູແລຄົນພິການໃນອະນາຄົດ.

ຕະຫຼອດການສະແດງຜ່ານໄປດ້ວຍດີ ອີກທັງໝານ້ອຍທັງ 12 ໂຕກໍບໍ່ມີອາການຕື່ນ ຫຼື ຢ້ານສະຖານທີ່ ແລະ ບໍ່ສົ່ງສຽງດັງແຕ່ຢ່າງໃດ ໂດຍໝາຫຼາຍໂຕແມ່ນນັ່ງເບິ່ງການສະແດງຢ່າງງຽບໆໂດຍທີ່ບໍ່ລົບກວນໂຕອື່ນ.

 

 

 

ຮຽບຮຽງ: ພ.ສະຫວັນ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.