ການລົດໄຟອິນເດຍໃຊ້ສຽງເຜິ້ງໄລ່ຊ້າງປ່າອອກຈາກເຂດສ່ຽງໄພ

0
503

ອິນເດຍຫັນມາໃຊ້ວິທີແບບທຳມະຊາດໂດຍການເປີດລຳໂພງທີ່ມີສຽງເຜິ້ງກຳລັງບິນເພື່ອໄລ່ຝູງຊ້າງປ່າໃຫ້ຖອຍຫ່າງອອກຈາກທາງລົດໄຟປ້ອງກັນອຸບັດເຫດ ຊຶ່ງເມື່ອ 6 ປີຜ່ານມາມີຊ້າງເສຍຊີວິດຈາກການຖືກລົດໄຟຕຳເກືອບ 70 ໂຕ.

ວິທີດັ່ງກ່າວກໍຄື ຕິດຕັ້ງລຳໂພງຂະໜາດໃຫຍ່ເກືອບ 50 ຊຸດຕາມພື້ນທີ່ເສັ້ນທາງເດີນປ່າຂອງຊ້າງ ຊຶ່ງຢູ່ໃກ້ກັບລາງລົດໄຟ ຂະນະທີ່ສຽງຂອງເຜິ້ງກຳລັງບິນຜ່ານລຳໂພງຈະດັງຂຶ້ນທຸກຄັ້ງທີ່ມີຂະບວນລົດໄຟແລ່ນເຂົ້າມາໃກ້ເສັ້ນທາງຍ່າງຂ້າມທາງລົດໄຟຂອງຝູງຊ້າງປ່າ ທັງນີ້ ສຽງເຜິ້ງທີ່ດັງອອກຈາກລຳໂພງແຕ່ລະຊຸດຈະໄດ້ຍິນໄກປະມານ 600 ເມັດ ໂຄງການດັ່ງກ່າວຖືກເອີ້ນວ່າ“Plan Bee” ຫຼື ປະຕິບັດການຝູງເຜິ້ງ ໂດຍໄດ້ເລີ່ມທົດລອງໃຊ້ມາຕັ້ງແຕ່ຊ່ວງປີ 2017 ແລະ ເລີ່ມນຳໃຊ້ຢ່າງເປັນທາງການເມື່ອປີ 2018 ຜ່ານມາ.

ໂດຍທົ່ວໄປແລ້ວຊ້າງຈະຢ້ານຝູງເຜິ້ງທີ່ສຸດ ທັງນີ້ ຊາວອິນເດຍໃນພື້ນທີ່ລັດເກຣລະ ທາງພາກໃຕ້ໃຊ້ວິທີລ້ຽງເຜິ້ງໃນຮັງ ແລະ ມັດ ຕຮັງເຜິ້ງໄວ້ກັບຮົ້ວເຂດປູກພືດເພື່ອປ້ອງກັນຝູງຊ້າງປ່າຮຸກຮານ ຝູງເຜິ້ງຈະແຕກຮັງທັນທີຖ້າຫາກມີຝູງຊ້າງເຂົ້າມາໃກ້ໃນເຂດພື້ນທີ່ກະສິກຳ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.