ກອງປະຊຸມໃຫຍ່ຜູ້ແທນສະຫະພັນກຳມະບານເມືອງສາມັກຄີໄຊ ຄັ້ງທີ V

0
88

ກອງ​ປະຊຸມ​ໃຫຍ່ຜູ້​ແທນ​ສະຫະພັນກຳມະບານ​ເມືອງສາມັກຄີໄຊ ແຂວງອັດຕະປື ຄັ້ງ​ທີ V ​ ​ໄດ້ໄຂ​ຂຶ້ນ​ຢ່າງ​ເປັນ​ທາງ​ການໃນ​ວັນ​ທີ 11 – 12 ກໍລະກົດ 2019 ທີ່ສະໂມສອນຫ້ອງວ່າການປົກຄອງເມືອງສາມັກຄີໄຊ ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ ທ່ານ ບຸນທະມາລີ ໝັ້ນອານົງ ກໍາມະການພັກແຂວງ ເລຂາພັກເມືອງ ເຈົ້າເມືອງສາມັກຄີໄຊ ມີທ່ານ ນາງ ພູວັນລະມາລີ ພົມມະສານ ປະທານສະຫະພັນກຳມະບານແຂວງອັດຕະປື ມີບັນດາ​ການ​ນຳພັກ​-ລັດຂັ້ນເມືອງ ​ແລະ ຕ່າງໜ້າ​ຈາກສະມາຊິກ​ກຳມະບານ​ລາວ​ໃນທົ່ວເມືອງ​ເຂົ້າ​ຮ່ວມ.

ທ່ານ ສີສະຫວາດ ບາງພະຈັນ ວ່າການປະທານສະຫະພັນກຳມະບານເມືອງສາມັກຄີໄຊ​ໄດ້​ຂຶ້ນ​ຜ່ານ​ບົດ​ລາຍ​ງານ​ການ​ເມືອງ ​ໂດຍ​ຍົກ​ໃຫ້​ເຫັນໃນ​ບາງ​ຕອນວ່າ ​ໄລຍະ 5 ປີ ຜ່ານ​ມາສະຫະພັນ​ກຳມະເມືອງ​ໄດ້​ຮັບ​ການ​ພັດທະນາ​ໃຫ້​ເຕີບ​ໃຫຍ່​ເຂັ້ມ​ແຂງ​ເປັນ​ກ້າວໆ​ ບົດ ​ບາ​ດຂອງ​ສະຫະພັນ​ກຳມະບານ​ໄດ້​ຮັບ​ການ​ຍົກ​ສູງ​ຂຶ້ນ​ເປັນລຳດັບ ​​ເປັນ​ໃຈກາງ​ເຕົ້າ​ໂຮມຄວາມ​ສາມັກຄີ ສຶກສາ​ອົບຮົມ ​ແລະ ປົກ​ປ້ອງ​ສິດຜົນ​ປະ​ໂຫຍ​ດອັນ​ຊອບ​ທຳ​ຂອງ​ຊົນ​ຊັ້ນ​ກຳມະກອນ ຊາວ​ຜູ້​ອອກ​ແຮງ​ງານພາຍໃນເມືອງສາມັກຄີໄຊ ​ເຄື່ອນ​ໄຫວ​ຖືກຕ້ອງ​ຕາມ​ສິດ​ຂອບ​ເຂດ​ຄວາມ​ຮັບຜິດຊອບ​ຂອງ​ຕົນ ຍົກ​ສູງ​ບົດ​ບາດ ​ແລະ ​ຄວາມ​ເຊື່ອ​ໝັ້ນ​ຂອງ​ຖັນ​ແຖວ​ພະນັກງານ ລັດຖະກອນ ສະມາຊິກ​ກຳມະບານ ກຳມະກອນຊາວ​ຜູ້​ອອກ​ແຮງ​ງານໃນ​ທຸກ​ຂົງ​ເຂດ​ວຽກງານ ການຈັດ​ຕັ້ງ​ກຳມະບານ​ໄດ້​ຮັບ​ການ​ສ້າງ​ຕັ້ງ​ຂຶ້ນ​ ຕາມ​ບັນ​ດາ​ຫົວໜ່ວຍ​ແຮງ​ງານ​ນັບ​ທັງ​ພາກ​ລັດ ​ເອກະ​ຊົນ ​ແລະ ຜົນ​ປະ​ໂຫຍ​ດຂອງ​ກຳມະກອນຊາວ​ຜູ້​ອອກ​ແຮງ​ງານນັບ​ມື້​ນັບ​ໄດ້​ຮັບ​ການ​ຄ້ຳ​ປະກັນ​ດີຂຶ້ນ.

​ໃນກອງປະຊຸມຍັງໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນໃສ່ບົດລາຍງານການເມືອງທັງສອງພາກ ບົດສຳຫຼວດການນຳພາລວມຂອງຄະນະບໍລິຫານງານສະໄໝທີ IV ກອງປະຊຸມໄດ້ເປັນເອກະພາບຕີລາຄາດ້ານດີ ດ້ານອ່ອນ ຂໍ້ຄົງຄ້າງ ສາເຫດ ແລະ ບົດ ຮຽນທີ່ຖອດຖອນໄດ້ໃນການຊີ້ນຳໆພາການຈັດຕັ້ງປະຕິບັດໜ້າທີ່ວຽກງານ 5 ປີຜ່ານມາ ພ້ອມດຽວກັນນັ້ນ ຍັງເປັນເອກະພາບຮັບ ຮອງເອົາທິດທາງແຜນການ 5 ປີ​ໃນຕໍ່ໜ້າ (2019-2023) ຮັບຮອງ​ເອົາ​​ແຜນ​ຍຸດ​ທະ​ສາ​ດພັດທະນາວຽກງານກຳມະບານ​ກຳມະ ບານ​ເມືອງ 5 ປີ ຄັ້ງທີ 1 ​ແຕ່​ປີ 2019-2023 ຈາກນັ້ນຜູ້ແທນກອງປະຊຸມໃຫຍ່ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານກຳມະບານເມືອງສາມັກຄີໄຊສະໄໝທີ V ບົນພື້ນຖານທີ່ຖືກຕ້ອງ ແລະ ສອດຄ່ອງກັບມາດ ຖານທີ່ໄດ້ກໍານົດໄວ້ ຊຶ່ງມີບັນດາທ່ານຜູ້ລົງສະໝັກເລືອກຕັ້ງຈຳນວນ 17 ທ່ານ ຄັດເລືອກເອົາ 11 ທ່ານ ກອງປະຊຸມຄັ້ງປະຖົມມະລຶກໄດ້ເປັນເອກະສັນກັນເລືອກເອົາ ທ່ານ ສີສະຫວາດ ບາງພະຈັນ ເປັນປະທານສະຫະພັນກຳມະບານເມືອງສາມັກຄີໄຊ ທ່ານ ນາງ ເພັດສະໄໝ ເທບປັນຍາ ເປັນຮອງປະທານ ທ່ານ ບັນທະໄລ ຫຼວງອາໄພ ເປັນຮອງປະທານ ທັງເປັນປະທານກວດກາສະຫະພັນກຳມະບານ ແລະ ຄະນະບໍລິຫານງານກຳມະບານເມືອງອີກ 8 ທ່ານ.

 

 

ຂໍ້ມູນຈາກ: ສຸຫັດ ນຽມທີສອນ ນັກຂ່າວເມືອງສາມັກຄີໄຊ ແຂວງອັດຕະປື (030) 4727535

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.