ກອງປະຊຸມໃຫຍ່ຄັ້ງທີ II ຂອງຄະນະຜູ້ແທນຊາວໜຸ່ມ ປປລາວ ກະຊວງວິທະຍາສາດ ແລະ ເຕັກໂນໂລຊີ

0
383

ໃນວັນທີ 9 ທັນວາຜ່ານມາທີ່ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນໄດ້ຈັດກອງປະຊຸມໃຫຍ່ຄັ້ງທີ II ຂອງຄະນະຜູ້ແທນຊາວໜຸ່ມ ປປລາວ ກະຊວງວິທະຍາສາດ ແລະ ເຕັກໂນໂລຊີ (ກວຕ) ໂດຍການເຂົ້າຮ່ວມຂອງ ສະຫາຍ ບໍ່ ວຽງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ສະຫາຍ ອາລຸນໄຊ ສຸນນະລາດ ກຳມະການສຳຮອງສູນກາງພັກ, ເລຂາຄະນະພັກ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ມີບັນດາຜູ້ຕາງໜ້າອົງການຈັດມະຫາຊົນ, ສະມາຊິກຊາວໜຸ່ມອ້ອມຂ້າງກະຊວງ ແລະ ພາກສ່ວນກ່ຽວຂ້ອງເຂົ້າຮ່ວມ.

ໂອກາດດັ່ງກ່າວ, ສະຫາຍ ພຸດທະສັກ ວິຈິດຕຣາ ຮັກສາການເລຂາຄະນະບໍລິຫານງານຊາວໜຸ່ມ ກວຕ ກ່າວວ່າ: ກອງປະຊຸມໃນຄັ້ງນີ້ຈະໄດ້ຮັບຟັງ, ຄົ້ນຄວ້າ, ປ່ອນບັດເລືອກຕັ້ງ ແລະ ຮັບຮອງເອົາຄະນະບໍລິຫານງານ ຊປປລ ຊຶ່ງເປັນພື້ນຖານໃຫ້ແກ່ການຈັດ ຕັ້ງຜັນຂະຫຍາຍໃນການປະຕິບັດມະຕິຕ່າງໆຂອງພັກ, ລັດ ແລະ ຂອງຊາວໜຸ່ມ ໂດຍສະເພາະແມ່ນປະຕິບັດແຜນການເຄື່ອນ ໄຫວປະຈຳປີຂອງກະຊວງຊຶ່ງເປັນໜ້າທີ່ການເມືອງ ແລະ ຄວາມຮັບຜິດຊອບຂອງຄະນະຊາວໜຸ່ມ ແລະ ສະມາຊິກຊາວໜຸ່ມທຸກສະຫາຍ. ກອງປະຊຸມໃນຄັ້ງນີ້ໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານການເມືອງ, ທິດທາງຄາດ ໝາຍສູ້ຊົນກ່ຽວກັບວຽກງານ 4 ບຸກຂອງຊາວໜຸ່ມ ແລະ ບົດສຳຫຼວດການຊີ້ນຳ-ນຳພາລວມຂອງຄະນະບໍລິຫານງານຊາວໜຸ່ມ ກະຊວງວິທະຍາສາດ ແລະ ເຕັກໂນໂລຊີຊຸດເກົ່າ, ໃນນັ້ນ ໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບົດມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດຄັ້ງທີ 7 ທີ່ຜ່ານມາ. ກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງ, ແຜນການ 5 ປີ ນັບແຕ່ນີ້ຮອດປີ 2024.

ພ້ອມນີ້, ກອງປະຊຸມຍັງໄດ້ພ້ອມກັນໃຊ້ສິດປະຊາທິປະໄຕຂອງຕົນ, ປ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງວິທະຍາສາດ ແລະ ເຕັກໂນໂລຊີຊຸດໃໝ່ ບົນພື້ນຖານຫລັກການລວມສູນປະຊາທິປະໄຕ ຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ຊຶ່ງເລືອກໄດ້ 17 ສະຫາຍ, ຍິງ 5 ສະຫາຍ. ກອງປະຊຸມຄັ້ງປະຖົມມະລືກຄົບຄະນະຂອງຄະນະ ໄດ້ເລືອກຕັ້ງເອົາ ສະຫາຍ ພຸດທະສັກ ວິຈິດຕຣາ ເປັນເລຂາ, ສະຫາຍ ຄຳຜາ ທອງວັນນາ ເປັນຮອງເລຂາ ແລະ ເປັນປະທານກວດກາ, ສະຫາຍ ນາງ ສິຣິລັກ ໄຊຍະບຸນຊູ ເປັນຮອງເລຂາຂອງຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ກະຊວງວິ ທະຍາສາດ ແລະ ເຕັກໂນໂລຊີ.

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.