ກອງປະຊຸມຄະນະປະຈຳສະພາແຫ່ງຊາດ

0
204

ໃນວັນທີ 18 ກັນຍາ 2019 ຢູ່ຫ້ອງປະຊຸມສະພາ (ຫຼັກ 6) ໄດ້ຈັດກອງປະຊຸມຮ່ວມລະຫວ່າງຄະນະປະຈຳສະພາແຫ່ງຊາດກັບຄະນະສະມາຊິກສະພາແຫ່ງ ແລະ ສະພາປະຊາຊົນຂັ້ນແຂວງ ໃຫ້ກຽດເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ຊາດ ສປປ ລາວ ມີບັນດາຄະນະປະຈຳ ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ ແລະ ສະພາປະຊາຊົນຂັ້ນແຂວງເຂົ້າຮ່ວມ.

ກອງປະຊຸມດັ່ງກ່າວ ໄດ້ຜ່ານບົດລາຍງານການເຄື່ອນໄຫວວຽກງານຂອງຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ ແລະ ການດຳເນີນກອງປະຊຸມສະພາປະຊາຊົນຂັ້ນແຂວງຊຸດທີ I ໂດຍຫຍໍ້ມີດັ່ງນີ້ ການເຄື່ອນໄຫວວຽກງານຂອງຄະນະ ສສຊ ປະຈຳເຂດເລືອກຕັ້ງ ໄດ້ສ້າງ ແລະ ປັບປຸງຮ່າງກົດໝາຍທີ່ກ່ຽວຂ້ອງທີ່ນຳເຂົ້າຜ່ານກອງປະຊຸມສະພາແຫ່ງຊາດ ແລະ ໄດ້ຮັບຮອງເອົາຈາກກອງປະຊຸມສະພາແຫ່ງຊາດແລ້ວກໍໄດ້ນຳໄປແຈ້ງໃຫ້ປະຊາຊົນຮັບຊາບ ສັງລວມແລ້ວບັນດາຮ່າງກົດໝາຍທີ່ສະພາປະຊາຊົນ (ສສຊ) ປະຈໍາເຂດເລືອກຕັ້ງໄດ້ເຂົ້າຮ່ວມໃນການຄົ້ນຄວ້າປະກອບຄຳເຫັນມີທັງໝົດ 73 ສະບັບ (ສ້າງໃໝ່ 32 ສະບັບ ປັບປຸງ 41 ສະບັບ) ນອກຈາກນີ້ ຄະນະ ສສຊ ປະຈຳເຂດເລຶອກຕັ້ງກໍໄດ້ເຂົ້າຮ່ວມຄົ້ນຄວ້າບັນຫາສຳຄັນຂອງທ້ອງຖິ່ນທີ່ອົງການປົກຄອງແຂວງຈັດຂຶ້ນເພື່ອສ້າງຄວາມເປັນເອກະພາບ ເປັນຕົ້ນ ແຜນພັດທະນາເສດຖະກິດ-ສັງຄົມ ແຜນງົບປະມານກ່ອນອົງການປົກ ຄອງແຂວງຈະລາຍງານຕໍ່ລັດຖະບານ ຄະນະ ສສຊ ປະຈຳເຂດເລືອກຕັ້ງໄດ້ຕິດຕາມກວດກາຕາມແຜນການຂອງ ຄປຈ/ສພຊ ແລະ ກຳມາທິການສະພາແຫ່ຊາດ ບາງຄັ້ງກໍຕິດຕາມກວດກາຕາມຄຳຮ້ອງທຸກຂອງປະຊາຊົນ ເປັນຕົ້ນ ໂຄງການເສັ້ນທາງລົດໄຟ ໂຄງການເສັ້ນທາງສາຍດ່ວນ ເຂື່ອນໄຟຟ້ານໍ້າຕົກ ການບຸກລຸກເຂດປ່າສະຫງວນ ແລະ ອື່ນໆ.

ສຳລັບທິດທາງປັບປຸງການຈັດຕັ້ງ ແລະ ການເຄື່ອນໄຫວຂອງຄະນະ ສສຊ ປະຈຳເຂດເລືອກຕັ້ງເພື່ອຮັບປະກັນໃຫ້ແກ່ການເຄື່ອນ ໄຫວວຽກງານຕາມພາລະບົດບາດສິດ ແລະ ໜ້າທີ່ຂອງຄະນະ ສສຊ ປະຈຳເຂດເລືອກຕັ້ງໃຫ້ມີປະສິດທິພາບດີຂື້ນ ກ່ອນອື່ນຕ້ອງເພີ່ມທະວີການຊີ້ນຳໆພາຂອງຄະນະປະຈຳສະພາແຫ່ງຊາດ ສ້າງລະບຽບການພົວພັນປະສານງານລະຫວ່າງຄະນະ ສສຊ ປະຈຳເຂດເລືອກຕັ້ງກັບບັນດາກຳມາທິການ ຄະນະເລຂາທິການ ກົງຈັກທີ່ຄະນະປະຈຳສະພາແຫ່ງຊາດສ້າງຕັ້ງໃນການເຄື່ອນໄຫວ ການປັບປຸງຂັ້ນຕອນ ວິທີການທາບທາມຮ່າງກົດໝາຍຢູ່ເຂດເລືອກຕັ້ງ ໂດຍສະເພາະກຳມາທິການທີ່ກ່ຽວຂ້ອງຂອງສະພາແຫ່ງຊາດ ປະສານສົມທົບກັບກະຊວງ ອົງການທີ່ກ່ຽວຂ້ອງເພື່ອມອບໝາຍໃຫ້ຄະນະ ສສຊ  ປະຈຳເຂດເລືອກຕັ້ງເປັນໃຈກາງ ປະສານສົມທົບກັບພະ ແນກການ ອົງການທີ່ກ່ຽວຂ້ອງຂອງທ້ອງຖິ່ນເພື່ອຈັດກອງປະຊຸມທາບທາມຄຳເຫັນຢ່າງກວ້າງຂວາງ ແລະ ການສ້າງຄວາມເຂັ້ມແຂງໃຫ້ຄະນະ ສສຊ ປະຈຳເຂດເລືອກຕັ້ງ.

 

 

 

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.